ءاربىر نوتا تۋعان جەردىڭ جىلۋىن سىيلايدى. «My Motherland» مۋزىكالىق تۋىندىسىن تانىمال ورىنداۋشى Sangina قازاقستانعا ارنادى. ءان تۋعان جەرگە دەگەن سۇيىسپەنشىلىككە تولى جانە ەلىمىزدىڭ باي مادەنيەتىن قالىڭ كوپشىلىككە كورسەتۋگە باعىتتالعان.
«My Motherland» ءانىنىڭ يدەياسى اقش-قا ءبىر جارىم جىل بۇرىن كوشكەن كەزدە پايدا بولدى. قازاقستاننان الىستا جۇرگەندە مەن ەرەكشە ساعىنىشتى سەزىندىم جانە تۋعان جەرىممەن بايلانىسىم قانشالىقتى مىقتى ەكەنىن ءتۇسىندىم. ءبىز ارمان قۋىپ, باسقا ەلگە كوشىپ, اينالامىزدى وزگەرتە الامىز, جاڭا تىلدەردى ۇيرەنەمىز. بىراق قاي جەردە بولساق تا, بىزبەن ءاردايىم بىرگە بولاتىن نارسەلەر بار – بۇل ءبىزدىڭ تامىرىمىز, مادەنيەتىمىز, وتانىمىز. ءان باستاپقىدا قازاق تىلىندە جازىلعان. الايدا باتىس مۋزىكا يندۋسترياسىندا بەلسەندى ەڭبەك ەتىپ, مەن بۇل ءاندى اعىلشىن ءتىلدى اۋديتورياعا جەتكىزۋ ماڭىزدى ەكەنىن ءتۇسىندىم», دەپ اتاپ ءوتتى ءانشى.
«My Motherland» بارلىق نەگىزگى ستريمدىك پلاتفورمالاردا قولجەتىمدى. كومپوزيتسيادا Sangina قازاقتىڭ ۇلتتىق ىرعاعىن زاماناۋي پوپ-مۋزىكامەن جانە بليۋزبەن ۇيلەستىرەدى. ورىنداۋشى قازىر ءوز جۇمىسىن وسى باعىتتا جالعاستىرۋدا جانە ۇلتتىق مادەنيەتتى ناسيحاتتاۋعا نيەتتى.
«مەنىڭ ويىمشا, مادەني ارتۇرلىلىك جەكە مۋزىكاما ەرەكشە سيپات بەرەدى جانە كەڭ اۋديتوريانىڭ جۇرەگىنە جەتۋگە مۇمكىندىك تۋدىرادى. مەن ءارتۇرلى مادەنيەتتەگى ادامدارعا جاقىن ءان جازۋعا جانە مۋزىكا شىنىمەن بىرىكتىرە الاتىنىن كورسەتۋگە تىرىسامىن», دەيدى Sangina.
ءانشى تاراز قالاسىندا دۇنيەگە كەلگەن. نازىك جان تۋعان جەردىڭ ءار ءوڭىرىن ارالاپ, تۋريستىك ورىندارعا ءجيى بارادى. جاس ورىنداۋشىنىڭ پىكىرىنشە, قازاقستاننىڭ باي مادەنيەتى, كوركەم تابيعاتى جانە بىرەگەي تاريحي مۇراسى بار.
«قازاقستان – بىرەگەي تابيعي عاجايىپتار توعىسقان تاڭعاجايىپ ەل. ونىڭ ىشىندە قايىڭدى كولى, كولساي كولدەرى, شارىن شاتقالى جانە كاسپي تەڭىزىنىڭ جاعالاۋى اينالاسىندا بەكەت اتا سياقتى جەراستى مەشىتتەرى بار. ەلىمىزدىڭ وڭتۇستىك بولىگى تاريح پەن رۋحاني ورىندارعا باي. ەلدىڭ ءار بۇرىشى ءوزىنىڭ تاريحى مەن ەرەكشە سۇلۋلىعىن ساقتاعان. مەن ءاردايىم ءوزىم ءۇشىن جاڭا نارسەنى قۋانا اشامىن. بىرنەشە جىلدا ءبىر رەت مىندەتتى تۇردە قاسيەتتى جەرلەرگە ەكسكۋرسيا جاسايمىن. بۇل ساپارلار ماعان ارقاشان تازالىق, تىنىشتىق جانە جاڭا جوبالارعا شابىت بەرەدى», دەپ ول ءسوزىن تۇيىندەدى.
قاراشا ايىندا Sangina قازاقستاندىق ورىنداۋشى Danna Max-پەن بىرلەسە شەتەلدىك اۋديتورياعا جاڭا سينگل تانىستىرۋدى جوسپارلاپ وتىر.
