سۋرەتتى تۇسىرگەن – ەرلان ومار, «EQ»
وسىمەن ءۇشىنشى رەت ۇيىمداستىرىلعان تۋرنيرگە بەلگىلى اقىن-جازۋشىلار, جۋرناليستەر, مەديا مەنەدجەرلەر, قوعام قايراتكەرلەرى, زيالى قاۋىم مەن ءباسپاسوز وكىلدەرى قاتىستى.
جارىستىڭ باس تورەشىسى بەلگىلى قالامگەر, سپورت جۋرناليستيكاسىنىڭ كوريفەيى نەسiپ ءجۇنicباي ۇلى بولدى. جارىسقا قاتىسۋشىلارعا قوماقتى جۇلدە قورىنان بولەك ارناۋلى سىيلىقتار بەرىلدى. «مادەنيەتتى ويىنشى» اتالىمى قوعام قايراتكەرى دارحان مىڭبايعا, «مەرگەن ويىنشى» اتالىمى پارلامەنت ءماجىلىسىنىڭ دەپۋتاتى جاناربەك اشىمجانعا, «شەبەر ويىنشى» اتالىمى ارداگەر جۋرناليست كەنجە جۇماعۇلوۆقا, «ۇزدىك دۋپلەت» اتالىمى تالعات ەشەن ۇلىنا بۇيىردى.
«استانا اقشامى» گازەتىنىڭ ءبىر جىلدىق تەگىن جازىلىمىنا بيليارد تۋرنيرىنە ءادىل قازىلىق جاساعان نەسىپ ءجۇنىسباي ۇلى يە بولدى. ۇزدىك ويىن كورسەتكەن اياعان ساندىباي ۇلىنا «ۆەچەرنيايا استانا» گازەتىنىڭ گراموتاسى تابىستالدى. سونىمەن قاتار نومينانتتار قازاقستان ءماسليحاتتارىنىڭ 30 جىلدىق مەرەكەلىك مەدالىمەن ماراپاتتالدى.
فينالعا شىققان ارداگەر جۋرناليست, اقىن تۇرماعانبەت ەردەش ۇلى مەن اقىن, جازۋشىلار وداعى استانا فيليالىنىڭ وكىلى داۋلەتكەرەي كاپ ۇلى اراسىنداعى ويىن تارتىسقا تولى بولدى. ناتيجەسىندە, جارىستىڭ باس جۇلدەسى داۋلەتكەرەي كاپ ۇلىنا بۇيىرسا, ەكىنشى ورىن تۇرماعانبەت ەردەش ۇلىنىڭ قانجىعاسىنا بايلاندى. چەمپيون – 500 مىڭ, ەكىنشى ورىن يەسى 300 مىڭ تەڭگە اقشالاي جۇلدەمەن ماراپاتتالدى.
«رەسپۋبليكا كۇنىنىڭ جوعارى دارەجەدە تويلانۋى بارشامىزدىڭ ەگەمەندىككە دەگەن قۇرمەتىمىزدى بىلدىرەدى. ويىن بارىسىنا كەلسەك, توپتىق ىرىكتەۋدەن شىققان سوڭ, ءبىرىنشى كەزەڭدە ايتىسكەر ەركەبۇلان قاينازاردى, ەكىنشى كەزەڭدە بازاربەك تۇكىبايدى ۇتىپ, جارتىلاي فينالدا جارىستىڭ باستى فاۆوريتتەرىنىڭ ءبىرى احمەت قايرات ۇلىنان ايلا اسىردىم. ءسويتىپ, فينالدا اقىن, ارداگەر جۋرناليست تۇرماعانبەت ەردەش ۇلىن ۇتىپ, جەڭىسكە جەتتىم. وسىنداي جارىستاردى ۇيىمداستىرىپ تۇرۋ قالامگەرلەردى, ارداگەرلەر مەن جاستاردى جاقىنداستىرادى», دەدى داۋلەتكەرەي كاپ ۇلى.
ءۇشىنشى ورىندى ەۋرازيا ۇلتتىق ۋنيۆەرسيتەتى ءباسپاسوز قىزمەتىنىڭ جەتەكشىسى ەربول ەردەنبەك پەن «حابار» ارناسىنىڭ قىزمەتكەرى احمەت قايرات ۇلى ءوزارا ءبولىستى. «مۇنداي جارىستار – كۇندەلىكتى قاربالاستان تىس قارىم-قاتىناس ورناتۋعا, اعا بۋىن مەن جاس ارىپتەستەر اراسىندا ساباقتاستىقتى جالعاستىرۋعا جاقسى نەگىز. بيليارد ءتۋرنيرىن جىل سايىن, ءداستۇرلى تۇردە ۇيىمداستىرىپ كەلە جاتقان «Elorda Aqparat» مەدياحولدينگىنىڭ باسشىسى ولجاس سىدىقبەككە العىس بىلدىرەمىز», دەيدى قاتىسۋشىلار.
