فوتو: Oqu-agartu ministrligi
قوستاناي وبلىسىنىڭ رۋدنىي قالاسى مەن اۋليەكول, ميچۋرينو اۋىلدارىندا ءۇش بالاباقشا اشىلدى. ەندى 600-گە جۋىق مەكتەپ جاسىنا دەيىنگى بالالار زاماناۋي ءارى جايلى بالاباقشالارعا بارادى.
تۇركىستان وبلىسىندا 2 جاڭا مەكتەپ اشىلدى: «جايلى مەكتەپ» ۇلتتىق جوباسى شەڭبەرىندە سالىنعان 2000 مىڭ وقۋشىعا ارنالعان مەكتەپ جانە 600 ورىندىق №35 ءبىلىم بەرۋ نىسانى.
اقمولا وبلىسىندا 280 ورىندىق بالاباقشا اشىلسا, اقتوبە وبلىسىنىڭ ورتالىعىندا جانە مۇعالجار, ىرعىز, قوبدا اۋداندارىندا مەرەكە قارساڭىندا تاعى 5 ءبىلىم بەرۋ ۇيىمى اشىلعان.
سونداي-اق شىمكەنت قالاسىندا «جايلى مەكتەپ» ۇلتتىق جوباسى شەڭبەرىندە سالىنعان 1200 جانە 2000 وقۋشىعا ارنالعان 2 مەكتەپ ەسىكتەرىن ايقارا اشتى.
ودان باسقا الماتى قالاسىندا 800 ورىندىق №138 مەكتەپتىڭ كۇردەلى جوندەۋى اياقتالدى. ال باتىس قازاقستان وبلىسىنىڭ ءبورلى اۋدانىندا تاعى ءبىر ءبىلىم بەرۋ نىسانى اشىلدى.
ايتا كەتسەك, 2024-2025 وقۋ جىلىنىڭ باسىنان بەرى بارلىعى 500-گە جۋىق ءبىلىم بەرۋ ۇيىمى اشىلعان.
