فوتو: قر قارجى مينيسترلىگى
ءمادي تاكيەۆ 1978 جىلى 1 ساۋىردە الماتى وبلىسىندا دۇنيەگە كەلگەن.
قازاق مەملەكەتتىك باسقارۋ اكادەمياسىن «بۋحگالتەرلىك ەسەپ جانە اۋديت» ماماندىعى بويىنشا, د.قوناەۆ اتىنداعى گۋمانيتارلىق ۋنيۆەرسيتەتىن «قۇقىقتانۋ» ماماندىعى بويىنشا, حالىقارالىق بيزنەس ۋنيۆەرسيتەتىن «ىسكەرلىك اكىمشىلدەندىرۋ ماگيسترى» ماماندىعى بويىنشا تامامداعان.
1998-2012 جج. – الماتى قالاسى بويىنشا سالىق دەپارتامەنتىندە جۇمىس ىستەگەن.
2012-2013 جج. – قازاقستان رەسپۋبليكاسى قارجى مينيسترلىگىنىڭ سالىق كوميتەتى باسقارماسىنىڭ باستىعى.
2013-2014 ج. – ۇلتتىق ەكونوميكا مينيسترلىگىنىڭ سالىق جانە كەدەن ساياساتى دەپارتامەنتىنىڭ ديرەكتورى.
2014 ج. – قازاقستان پرەمەر-ءمينيسترى كەڭسەسىنىڭ الەۋمەتتىك-ەكونوميكالىق ءبولىمىنىڭ باس كەڭەسشىسى.
2014-2017 جج. – اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى.
2017-2019 جج. – قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ سالىقتىق باقىلاۋ دەپارتامەنتىنىڭ ديرەكتورى.
2019 جىلدىڭ 12 ناۋرىزىنان – قازاقستان رەسپۋبليكاسى ۇلتتىق ەكونوميكا ۆيتسە-ءمينيسترى قىزمەتىندە بولدى.
2020 جىلى قىركۇيەكتە پرەزيدەنت اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى بولىپ تاعايىندالعان.
مەملەكەتتىك ناگرادالارى: «ەرەن ەڭبەگى ءۇشىن», «تاۋەلسىزدىككە 20 جىل» مەدالدارى جانە «سالىق قىزمەتىنىڭ ۇزدىگى».
