سۋرەت: ru.freepik.com
«قازاقتەلەكوم» اق باسقارما توراعاسى باعدات ءمۋسيننىڭ ايتۋىنشا, ەكوجۇيەنى ساپالى ءونىمسىز دامىتۋ مۇمكىن ەمەس. بىزدە ونى دامىتۋدىڭ العىشارتتارى بار. ماسەلەن, اپتا باسىندا الماتىدا ىسكە قوسىلعان – «Activation Hub» جاڭا يننوۆاتسيالىق ورتالىعى.
«1 ملن تۇتىنۋشى ءالى كۇنگە ەسكىرگەن ADSL تەحنولوگيانى, ياعني مىس تەلەفون سىمدارىن قولدانادى. قازىر وپەراتوردىڭ الدىندا تۇرعان ماسەلە – 3 جىل ىشىندە 800 مىڭ تۇتىنۋشىنى مىس سىمدارىنان وپتيكاعا اۋىستىرۋ. ول ءۇشىن 400-500 ملرد تەڭگە قاجەت. 580 مىڭعا جۋىق كليەنتتىڭ جوعارى ساپالى ينتەرنەتكە قولجەتكىزە الماي وتىرۋىنىڭ سەبەبى – روۋتەر ساپاسىنا بايلانىستى. تۇتىنۋشىنىڭ ۇيىنە دەيىن ينتەرنەت سيگنالى 512 كبيت/س جىلدامدىقپەن كەلەدى دە, جابدىقتىڭ كەسىرىنەن جىلدامدىعى ازايىپ كەتەدى. ستاتسيونارلىق تەلەفونداردىڭ سىمى وپتيكالىق قۇرالدارمەن اۋىستىرىلادى. بۇكىل الەم مىس تەحنولوگيالارىن وپتيكالىق تەحنولوگيامەن اۋىستىرۋعا بەت بۇرۋدا», دەدى.
وتكەن اپتادا «Kaspi.kz» تۇركيالىق «Heriburada» اكتسيالارىنىڭ 65% -عا جۋىعىن ساتىپ الۋ تۋرالى كەلىسىمگە قول قويدى. مامىلە سوماسى – شامامەن 1,13 ملرد دوللار.
ء«بىز تۇركياداعى جەتەكشى ەلەكتروندىق كوممەرتسيا كومپانيالارىنىڭ ءبىرى – «Hepsiburada»-مەن كۇش بىرىكتىرۋ مۇمكىندىگىنە وتە قۋانىشتىمىز. ءبىزدىڭ ماقسات – نارىعىمىزدى 100 ملن ادامعا دەيىن كەڭەيتۋ. مامىلە اياقتالعاننان كەيىن ەكى كومپانيا دا ءوز برەندى مەن وپەراتسيالىق قۇرىلىمىن ساقتايدى. قازاقستاندا جانە تۇركيادا ەلەكتروندىق كوممەرتسيا مەن تسيفرلىق قىزمەتتەردى ىلگەرىلەتۋدى جالعاستىرۋ ءۇشىن «Kaspi.kz» مەن «Hepsiburada»-دا بار بىرىكتىرىلگەن ءبىلىم مەن تەحنولوگيالاردى پايدالانامىز», دەيدى ميحايل لومتادزە.
ايتۋىنشا, «Hepsiburada» تارتىمدىلىعى مەن جاقسى قۇرىلىمدىق كورسەتكىشتەرى ءۇشىن تاڭدالدى. ول سونداي-اق وتاندىق فينتەح-كومپانيا سەرۆيستەردى ازىرلەۋگە, ديزاين مەن قولداۋعا شامامەن 200 ملن دوللار جۇمسايتىنىن ايتتى.
«Freedom Holding Corp» باس اتقارۋشى ديرەكتورى تيمۋر تۋرلوۆ ءارتۇرلى كومپانياyىڭ باسىن قوسۋ ارقىلى ەكوجۇيە قۇرىلىپ, ولاردىڭ ءار سالادا ليدەرگە اينالعانىن قالايتىنىن ايتتى.
«مەن ءوز كومانداما ءبىز ەلىمىزدەگى ەڭ مىقتى سەرۆيسكە اينالۋىمىزدىڭ ءوزى جەتكىلىكسىز دەپ ايتامىن. سەبەبى بىزگە نەعۇرلىم جاھاندىق دەڭگەيگە شىعىپ, الەمدىك دەڭگەيدەگى كومپانيالارمەن باسەكەلەسۋ ءۇشىن جۇمىس ىستەۋ كەرەك. جاھاندانۋ ءبىرىنشى كەزەكتە مەملەكەتتىك شەكارالاردى جانە ۇلتتىق رەتتەۋشىلەردىڭ وسى ەكوجۇيەنى قانداي دا ءبىر دارەجەدە باسقارۋ ارەكەتتەرىن ەلەمەي, تسيفرلىق قىزمەتتەر نارىعىندا جالعاسىپ جاتىر», دەيدى ت.تۋرلوۆ.
ايتۋىنشا, دەرەكتەردى وڭدەۋ ورتالىعىنىڭ ء(دوو) قۇرىلىسى جالعاسىپ جاتىر. جوبانىڭ قارجىلىق قۇنى – 150 ملن دوللار. جوبا 2025 جىلى پايدالانۋعا بەرىلمەك. تاعى ءبىر ءىرى جوبا رەتىندە ت.تۋرلوۆ قىتايدان كاسپيگە دەيىن جەر ءۇستى تالشىقتى-وپتيكالىق كابەل وتكىزۋدى اتادى. سونىمەن قاتار قالالار اراسىنداعى رەسپۋبليكالىق اۆتوجولداردىڭ بويىندا جەلىلەر تارتىلىپ جاتىر. كومپانيا باسشىسىنىڭ بولجامىنشا, جەر ءۇستى جەلىلەرىنىڭ ەداۋىر بولىگى كەلەسى جىلى سالىنادى.
الماتى
