فوتو: animals.pibig.info
الماتى وبلىسى اكىمدىگىنىڭ مالىمەتىنشە, قار بارىسى, سونداي-اق ءىلبىس رەتىندە بەلگىلى مىسىق تۇقىمداس جانۋار «كولساي كولدەرى» مەملەكەتتىك ۇلتتىق تابيعي پاركىنىڭ اۋماعىندا ءومىر سۇرەدى.
قار بارىستارى 3000-4500 مەتر بيىكتەگى تاۋلاردا مەكەندەيدى, ولاردىڭ پوپۋلياتسياسى ون ەكى مەملەكەتتىك قورىقتا قورعالادى. 2014 جىلى كولساي كولدەرىندە كەزدەسكەنى تىركەلىپ, وڭىردەگى قار بارىستارىنىڭ پوپۋلياتسياسىن زەرتتەۋدە ماڭىزدى كەزەڭ بولدى.
2019 جىلى قار بارىسىن زەرتتەۋ جانە قورعاۋ باعىتىنداعى جۇمىستار جاڭا سەرپىن الدى: زوولوگيا ينستيتۋتىنىڭ قىزمەتكەرلەرى مەن ۇلتتىق پاركتىڭ ينسپەكتورلارى 40 بەينەكامەرا ورناتقان, بۇل – وسى جۇمباق جانۋارلاردىڭ مىنەز-قۇلقىن تەرەڭىرەك زەرتتەۋگە مۇمكىندىك بەردى. بۇگىندە كولساي كولدەرىنىڭ اۋماعىندا قر-نىڭ قىزىل كىتابىنا ەنگەن 22 قار بارىسى تىركەلگەن.
كولساي كولدەرىندەگى قار بارىسىنىڭ پوپۋلياتسياسىن ساقتاۋ جانە زەرتتەۋ جۇمىستارى جالعاسىپ جاتىر. بەينەكامەرادان الىنعان مالىمەتتەر عالىمدارعا قار بارىستارىنىڭ ءومىر ءسۇرۋ سالتى, مەكەندەيتىن ورىندارى, كوبەيۋ ەرەكشەلىكتەرى تۋرالى جاقسى تۇسىنۋگە كومەكتەسەدى. بۇل ءتۇردىڭ جويىلىپ كەتۋ قاۋپىنىڭ جوعارى ەكەنىن ەسكەرە وتىرىپ, قار بارىسىن قورعاۋ مەن زەرتتەۋ بولاشاقتا دا نازاردا بولۋى ءتيىس.
