فوتو: استانا اكىمدىگىنەن
استانادا ەسىرتكى قىلمىسىنا قارسى كۇرەس سالاسىنداعى ازاماتتىق بەلسەندىلىكتى ارتتىرۋعا باعىتتالعان ESBOL QORY قورىنىڭ ەسىرتكى قىلمىسىنىڭ digital-كارتاسى بەلسەندى جۇمىس ىستەيدى. بۇگىنگى كۇنى esbol.kz سايتىنا ەلوردا تۇرعىندارىنان 400-دەن استام ءوتىنىم كەلىپ تۇسكەن جانە ولاردىڭ بارلىعىن قۇقىق قورعاۋ ورگاندارى شارا قولدانۋ ماقساتىندا قاراستىرىپ جاتىر.
ايتا كەتەيىك, قازاقستانداعى ناشاقورلىق ماسەلەسى ۇلت دەنساۋلىعىنا, اسىرەسە جاستار ءۇشىن نەگىزگى قاۋىپتەردىڭ ءبىرى بولىپ وتىر. ەسىرتكى تۋرالى دۇنيەجۇزىلىك باياندامانىڭ (2023) دەرەكتەرى بويىنشا, قازاقستان 2017-2022 جىلدار ارالىعىندا ءداستۇرلى ەمەس نارىقتارداعى مەتامفەتاميننىڭ تاركىلەنۋى بويىنشا ەلدەر اراسىندا ەكىنشى ورىندا تۇر.
بۇدان بولەك, قر دەنساۋلىق ساقتاۋ مينيسترلىگىنىڭ 2024 جىلعى 1 قاڭتارداعى ستاتيستيكاسى «پسيحواكتيۆتى زاتتاردى قولدانۋ سالدارىنان پسيحيكالىق جانە مىنەز-ق ۇلىق بۇزىلىستارى» دياگنوزىمەن ديناميكالىق باقىلاۋدا 18-29 جاس ارالىعىنداعى 2734 ادام, سونداي-اق 66 بالا مەن ءجاسوسپىرىم تۇراتىنىن كورسەتەدى. بۇل دەرەكتەردى مەديتسينالىق كومەكتى ۇيىمداستىرۋ دەپارتامەنتى باسقارماسىنىڭ باسشىسى انجەلا بەكسۇلتانوۆا ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا ايتقان.
