قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ ۇسىنىمدارىن قاراپ, قاۋلى ەتەمىن:
1. قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى 2024 جىلعى مەملەكەتتىك سىيلىعى:
- 1) نۇرجان سۆەتقاليعا, اقىن – «كوكىرەگىم كونە كىتاپ» جىر كىتابى ءۇشىن;
- 2) ەرگوبەك قۇلبەك سارسەن ۇلىنا, جازۋشى – «ادامنىڭ ءبىر قىزىعى بالا دەگەن» كىتابى ءۇشىن;
- 3) باپانوۆ ءالىباي قالتاي ۇلى مەن باپانوۆا ساۋلە سىزدىققىزىنا, اۆتورلىق ۇجىمعا – «كوشپەندى فرەسكالار» كيىزدەن باستىرىلعان پاننولارى توپتاماسى مەن «الەم ورنەكتەرى» گوبەلەندەر توپتاماسى ءۇشىن;
- 4) ءمۇساپىر جانۇزاق كەرىمبەك ۇلىنا, سۋرەتشى – «بالالىقتان دانالىققا جول» توپتامالار جيناعى ءۇشىن بەرىلسىن.
2. وسى جارلىق رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ق.توقاەۆ
استانا, اقوردا, 2024 جىلعى 22 قازان
№ 683
