فوتو: اشىق دەرەككوز
قىلمىستىق توپ استانا اۋماعىندا ساتۋ ءۇشىن اسا ءىرى كولەمدە سينتەتيكالىق ەسىرتكى ءوندىرىسىن ىسكە اسىرۋدى كوزدەگەن. ترانسۇلتتىق قىلمىستىق توپتىڭ قۇرامىندا ۋكراينا مەن مولدوۆا ازاماتتارى بولعان.
«ولاردى ۇستاۋ كەزىندە قىلمىس ورنىنان 10 كەلى مەفەدرون مەن 17 كەلىدەن استام پرەكۋرسورلار, سونداي-اق سينتەتيكالىق ەسىرتكى وندىرۋگە ارنالعان ارنايى قۇرال-جابدىقتار تابىلدى. ءۇي ونلاين رەجيمىندە دەرەكتەردى ۇيىمداستىرۋشىعا جىبەرەتىن بەينەباقىلاۋ جۇيەسىمەن جابدىقتالعان, ال شيكىزات پەن دايىن ءونىمدى ساقتاۋ ءۇشىن گاراج جالعا الىنعان», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
قىلمىستىق ىس ەرەيمەنتاۋ اۋدانىنىڭ پروكۋراتۋراسىمەن سوتقا جولدانۋ بارىسىندا, اتالعان تۇلعالاردىڭ ارەكەتى ترانسۇلتتىق ۇيىمداسقان توپ رەتىندە سارالانعان. سوت بارىسىندا مەملەكەتتىك ايىپتاۋشى سوتتالۋشىلاردىڭ كىناسىن تولىق دالەلدەگەن.
ناتيجەسىندە, ۇيىمداستىرۋشى 23 جىلعا, ال سىبايلاستارى 22 جىلعا مۇلكى تاركىلەنە وتىرىپ, باس بوستاندىقتارىنان ايىرىلعان.
سوت ۇكىمى زاڭدى كۇشىنە ەندى.
