گازەت – العاشقى رۋمىن باسىلىمدارىنىڭ ءبىرى. 1857 جىلى جارىق كورگەن. گازەتتە سيرەك كەزدەسەتىن «Cap de bour» ماركالارى بولعاندىقتان, ول قىمباتقا باعالانعان. باسىلىمدا 1858 جىلى مولدوۆادا شىعارىلعان اتاقتى ماركالاردىڭ سەگىز داناسى جارىق كورگەن. ولار العاش رەت پوشتا جۇيەسىندە قولدانىلعان. ماركالار سيرەك كەزدەسەتىندىكتەن, كوللەكتسيونەرلەر اراسىندا جوعارى باعالانادى.
سوقىر شاحمات
شاحماتتىڭ ءبىز بىلەتىن ءبىر-اق ەرەجەسى بار. ال ءبىز بىلمەيتىن نۇسقالارى كوپ-اق. سونىڭ ءبىرى – سوقىر شاحمات.
سوقىر شاحمات – بۇل ويىنشىلاردىڭ تاقتاعا قاراماي, تەك تۇيسىكپەن وينايتىن ەرەكشە نۇسقاسى. ويىنشىلار بارلىق ءجۇرىستى ەستە ساقتاپ, فيگۋرالاردىڭ ورنالاسۋىن ويشا قاداعالايدى. سوندىقتان بۇل ويىندا مات قويۋ ءۇشىن ەستە ساقتاۋ قابىلەتىڭ مىقتى بولۋ كەرەك. تاريحتا ايگىلى شاحماتشى فرەنك مارشالل بىردەن 10 پارتيانى سوقىر شاحمات فورماتىندا ويناپ, قارسىلاستارىن تاڭعالدىرعان.
350 جىلدىق الىپ اعاش
بەلارۋس ەلىندە 350 جىلدىق تاريحى بار الىپ ەمەن وسەدى.
ەمەننىڭ بيىكتىگى شامامەن 30 مەتر, ال ءدىڭىنىڭ ديامەترى – 2 مەتر. ساراپشىلاردىڭ باعالاۋىنشا, اعاشتىڭ جاسى 350 جىلدان كەم ەمەس. قازىرگى كەزدە الىپ ەمەنگە تابيعات ەسكەرتكىشى مارتەبەسى بەرىلگەن. موزىر تاجىريبەلىك ورمان شارۋاشىلىعى ماماندارى ەمەن وسەتىن ورمان اۋماعىن تۋريستىك ورىنعا اينالدىرۋدى جوسپارلاپ وتىر. جالپى, بەلارۋس جەرىندە بۇدان باسقا دا الىپ ەمەندەر وسكەن. بىراق ولار ءشىري باستاعاندىقتان تۇرعىندار اعاشتاردى كەسۋگە تۋرا كەلگەن.
