فوتو: استانا اكىمدىگى
«بۇل سپورتتىق ءىس-شارا, ەڭ الدىمەن, حالىق اراسىندا سالاۋاتتى ءومىر سالتىن قالىپتاستىرۋعا, سونداي-اق ناشاقورلىققا قارسى كۇرەسكە باعىتتالعان», دەدى سارىارقا اۋدانى اكىمدىگىنىڭ قىزمەتكەرى دامير حيسماتۋللين.
مارافون “كوكتال” ساياباعىنان باستالىپ, بەيبارىس سۇلتان كوشەسىمەن ءوتتى. كەيبىر قاتىسۋشىلار Marvel كوميكس كەيىپكەرلەرى ورمەكشى ادام جانە بەتمەننىڭ جارقىن كوستيۋمدەرىن كيىپ كەلدى.
قاتىسۋشىلار بىرنەشە ساناتتا باق سىناستى: بالالار (14 جاسقا دەيىنگى ۇلدار مەن قىزدار), ەرەسەكتەر (18-49 جاس ارالىعىنداعى ەرلەر مەن ايەلدەر) جانە 50 جاستان اسقان قاتىسۋشىلار.
14 جاسقا دەيىنگى ۇلدار ءۇشىن قاشىقتىق 2 كم, ال 14 جاسقا دەيىنگى قىزدار ءۇشىن — 1 كم, قالعان ساناتتاعى قاتىسۋشىلار بىردەي قاشىقتىقتى — 5 كم جۇگىردى.
«مەن وسىنداي جارىستارعا ءجيى قاتىسىپ تۇرامىن, ويتكەنى ارقاشان فيزيكالىق جاعدايىمدى باعالاۋ ماڭىزدى جانە ءاربىر وسىنداي ءىس-شارامەن مەنىڭ ناتيجەم جاقسارادى. مارافون وتە جاقسى ءوتتى, قاتىسقانىما قۋانىشتىمىن» , دەدى مارافونعا قاتىسۋشى دانيار احتانوۆ.
سوڭىندا بالالار مەن ەرەسەكتەر اراسىنداعى مارافونعا قاتىسۋشىلاردى ماراپاتتاۋ ءراسىمى ءوتتى. جارىستىڭ جەڭىمپازدارى ماقتاۋ قاعازدارى مەن مەدالدارعا, سونداي-اق باعالى سىيلىقتارعا يە بولدى.
