جالپى وتىرىستىڭ كۇن ءتارتىبى ناقتىلاندى

ءبىرىنشى وقىلىمدا دە­پۋتات­تار­دىڭ تالقىلاۋىنا جولاۋ­شىلاردى اۆتوموبيلمەن تاسىمالداۋ سالاسىنداعى كەيبىر مەملەكەتتىك فۋنكتسيالاردى مىندەتتى مۇشەلىككە نەگىزدەلگەن ءوزىن-ءوزى رەتتەۋگە بەرۋ ماسەلەلەرى تۋرالى زاڭ جوباسى ۇسىنىلادى. باسەكەلەستىك ورتاعا جولاۋشىلاردى وبلىسارالىق جانە حالىقارالىق تۇراقتى تاسىمالداۋدى, تۇراقتى ەمەس تاسىمالداۋلاردى, سونداي-اق تاكسي قىزمەتىن ۇيىمداستىرۋ بو­يىنشا بىرقاتار مەملەكەت­تىك فۋنكتسيانى بەرۋ كوزدەل­گەن. وسىعان بايلانىستى «كولىك تۋرالى», «اۆتوموبيل كو­لىگى تۋرالى», «استانا مارتەبەسى تۋرالى», «رۇقساتتار مەن حابارلامالار تۋرالى», «قازاق­ستان رەسپۋبليكاسىنىڭ كەيبىر زاڭنامالىق اكتى­لەرىنە الەۋ­مەتتىك قامسىز­دان­دىرۋ ماسەلە­لەرى بويىنشا وزگەرىستەر مەن تولىقتى­رۋلار ەنگىزۋ تۋرالى» زاڭدار­عا وزگەرىستەر ەنگىزۋ قاراس­تىرىلادى.

سونداي-اق كۇن ءتارتىبى جوبا­سىنا ەۋرازيالىق ەكو­نومي­كالىق وداق شەڭ­بەرىن­دە اۋىل شارۋا­­شىلى­عى ونىمى­نە ارنالعان قوي­ما­لىق كۋالىكتەردى شىعارۋ (بەرۋ), ولاردىڭ اينالىسى جانە وتەلۋ قاعيدالارى تۋرالى كە­لىسىمدى راتيفيكاتسيالاۋ تۋرالى زاڭ جوباسى ەنگىزىلدى. قۇجات اۋىل شارۋاشىلىعى سالاسىنداعى ىنتىماقتاستىق پەن ءوزارا ساۋدانى دامىتۋعا باعىتتالعان.