داقىلداردى ساقتاۋ جايى تالقىلاندى

جيىندى اشقان س.ەگىزباەۆ اۋىل شارۋاشىلىعى مينيستر­لىگى مەن وبلىس اكىمدىكتەرى­نىڭ الدىندا مونوكۋلتۋرا ەگىس­تىگىن قىسقارتۋ ارقىلى اۋىل شارۋاشىلىعى داقىل­دارى­نىڭ القاپتارىن ءارتاراپتان­دىرۋدى قامتاماسىز ەتۋ مىن­دەتى تۇرعانىن اتاپ ءوتتى. مەم­لەكەت باسشىسى بىلتىرعى جولداۋىندا وسى باعىتتاعى جۇمىستى تاعى دا جانداندىرۋدى تاپسىرعان ەدى.

– قازىردىڭ وزىندە وڭ ناتي­جە­لەر بار. مايلى داقىلدار القابى 2,9 ملن گەكتارعا دەيىن ۇل­عايتىلىپ, ىلعالدى كوپ قا­جەت ەتەتىن داقىلدار القا­بى قىس­ق­ارتىلدى. مەم­لەكەت بۇل وزگەرىستەردى تۇقىم, تىڭايتقىشتار مەن وسىم­دىكتەردى قورعاۋ قۇرالدارى­نىڭ قۇنىن ارزانداتۋ, سۋارۋ جابدىقتارىن سۋبسيديا­لاۋ ارقىلى جۇيەلى تۇردە قولداپ وتىر. بۇل شارانىڭ بارلىعى فەرمەرلەردىڭ ءوندىرىسى مەن قىزمەتىنىڭ تيىمدىلىگىن قام­تاماسىز ەتۋگە باعىتتالعان, – دەدى كوميتەت توراعاسى.

اۋىل شارۋاشىلىعى ۆيتسە-ءمينيسترى ازات سۇل­تانوۆ ءوز بايانداماسىندا مەم­لەكەت باسشىسىنىڭ اۋىل شا­رۋاشىلىعى جالپى ءونىمىنىڭ كولەمىن 5 جىلدا ەكى ەسەگە ۇلعايتۋ جونىندەگى تاپسىرماسىن ورىنداۋ ماقساتىمەن مينيسترلىك جول كارتاسىن قابىلداعانىن ايتتى. ونىڭ اياسىندا ءار وبلىس اكىمدىگى ءۇشىن ءارتاراپتاندىرۋ, اگروتەحنولوگيالاردى ەنگىزۋ جانە باسقا دا كىشى سالالار بويىنشا كورسەتكىشتەر ازىرلەنگەن.

– بيىل ەگىس القاپتارىنىڭ قۇرىلىمىن ناقتى ءارتاراپ­تاندىرۋ بويىنشا بارىنشا شارالار قابىلداندى. بيداي القابى 450,3 مىڭ گەكتارعا قىسقاردى. سۋدى كوپ قاجەت ەتەتىن داقىلداردىڭ الاڭى – كۇرىش 6,9 مىڭ گا, ماقتا 10 مىڭ گەكتارعا ازايدى. ال مايلى داقىلدار الاڭى 135,5 مىڭ گەكتارعا, قانت قىزىلشاسى 9,4 مىڭ گەكتارعا ۇلعايتىلدى, – دەدى اۋىل شارۋاشىلىعى ۆيتسە-ءمينيسترى.

ازات سۇلتانوۆتىڭ ايتۋىنشا, 2028 جىلعا قاراي بي­داي القاپتارى 855 مىڭ گەك­تارعا قىسقارۋعا ءتيىس. بۇل رەتتە ونىمدىلىكتى ارتتىرۋ بويىنشا قابىلدانىپ جاتقان شارالاردى ەسكەرە وتىرىپ, جالپى بيداي ءتۇسىمى تومەندەمەيدى دەپ بولجانىپ وتىر. سونى­مەن قاتار وسى كەزەڭدە رەنتا­بەلدىلىگى جوعارى اۋىل شارۋا­شىلىعى داقىلدارىنىڭ القابى: مايلى داقىلدار – 3,7 ملن گەكتارعا, مال ازىعى 505 مىڭ گەكتارعا ۇلعايتىلادى.

بۇل رەتتە جاڭا ەگىندى ساق­تاۋ ماسەلەسى وزەكتى كۇيىندە قا­لىپ وتىر. ۆيتسە-مينيستر رەس­پۋب­ليكاداعى استىق ساقتاۋ قوي­مالارىنىڭ جالپى سى­يىم­دىلىعى 30 ملن توننانى قۇرايتىنىن, بۇل وتكەن جىلدارداعى تاسىمال­داۋ قال­دىقتارىن ەسەپكە ال­عاندا جوسپارلانعان استىقتى ساقتاۋعا جەتكىلىكتى ەكەنىن ايتتى. بۇگىندە جاڭا ەگىننىڭ 2,5 ملن توننادان استامى نەمەسە 48 پايىزعا جۋىعى كەپتىرىلىپ, وڭدەلگەن جانە قوسپالاردان تازارتىلعان. مينيسترلىك وب­لىستاردىڭ اكىمدىكتەرىنە كەزەك­تى بولدىرماۋ ءۇشىن استىقتى قابىلداۋ جانە كەپتىرۋ بويىنشا ەلەۆاتورلاردىڭ توقتاۋسىز تاۋلىك بويى جۇمىس ىستەۋىن قامتاماسىز ەتۋدى تاپسىردى.

سونىمەن قاتار وتىرىس با­رىسىندا ەكسپورت گەو­گرا­فيا­سىن كەڭەيتۋ, وسىمدىك شارۋا­شىلىعى ونىمدەرىن جەتكىزۋگە ەكسپورتتىق مەملەكەتارالىق كەلى­سىمشارتتار جاساۋ, لوگيس­تي­كانى ۇيىمداستىرۋ, كوكتەم­گى ەگىس پەن ەگىن جيناۋ جۇمىس­تارىنا جەڭىلدىكپەن نەسيە بەرۋ, اينالىم قاراجا­تىن تولىق­تىرۋ, اۋىل شارۋا­شىلىعى تاۋارلارىنىڭ پاركىن ساپالى جاڭارتۋ ماسەلەلەرى قارالدى.

ءوز كەزەگىندە اگروبيزنەس وكىل­دەرى ەلەۆاتورلاردى شي­كىزاتپەن تولىق قامتاماسىز ەتۋ, ۆاگونداردىڭ تۇراقتى ءجۇرۋى, پايىزدىق مولشەرلەمەلەردى سۋبسيديالاۋعا جانە جاڭا كوكتەمگى ەگىس كومپانياسىن قارجىلاندىرۋعا قاراجاتتىڭ جەتىسپەۋشىلىگى ماسەلەلەرى تالقىلانىپ, ولاردى شەشۋ جولدارى ۇسىنىلدى.

ءسوز سوڭىندا س.ەگىزباەۆ سالا­لىق قاۋىمداستىقتار مەن بيزنەس وكىلدەرىنىڭ ۇسىنىستارىن ازىق-ت ۇلىك كورپوراتسياسى مەن مينيسترلىكتەر پىسىقتاۋى كەرەكتىگىن ايتتى. كوميتەت ءتيىستى ۇسىنىمدار دايىنداپ, ۇكىمەتكە جولدايدى.