وتاندىق كاسىپكەر, مەتسەنات ءارى BeWoman فورۋمىنىڭ نەگىزىن قالاۋشى جاننا كان: «فورۋمنىڭ ۇلكەن ماقساتتارى مەن مىندەتتەرى بار. ءبىز ايەلدەردىڭ بىرىگۋى مەن ءبىر-بىرىنە كومەك بەرگەنىن قالايمىز. ءبىز ونى دۇرىس كورسەتۋ ءۇشىن – «ورتالىق ازيانىڭ ايەلى – ول قانداي؟» ەكەنىن انىقتاپ ايتايىق. ورتالىق ازيانىڭ ايەلى ءبىلىمدى, ىلگەرىشىل, ەمپاتيكالىق, ءداستۇردى سىيلايتىن, ول تاعى انا, جار, قىز, كەلىن, جانە ت.ب. سونىمەن قاتار ول تابىستى بيزنەس-ۆۋمەن, ول قوعام قايراتكەرى بولۋى مۇمكىن, ەگەر ول وسى ايتىلعانداردىڭ ءبىرىن دە جۇك دەپ تاپپاسا, وندا وعان مىندەت سياقتى, ەڭبەك دەپ قارامايدى, ال ونىڭ تاڭداۋى – ەڭ باستىسى ءوزى تۇرىپ جاتقان ورتادا ءوزىن جاقسى سەزىنۋى. ال ءوزى ومىرگە اكەلگەن بالالارىن جارقىن بولاشاق كۇتىپ تۇرادى», دەدى.
سونىمەن قاتار ەكونوميكالىق دامۋعا قوسقان ۇلەسى ءۇشىن, سونداي-اق قر پرەزيدەنتى قاسىم-جومارت توقاەۆتىڭ ساياساتىن جۇزەگە اسىرعانى ءۇشىن جاننا كان «ادال ەڭبەگى مەن جەكە ۇلەسى ءۇشىن» ماراپاتىنا يە بولدى. ماراپاتتى «جەمقورلىققا قارسى تۇرۋ جونىندەگى پرەزيدەنت ساياساتىنا كومەكتەسۋ ورتالىعى» توراعاسىنىڭ كومەكشىسى ارنۇر ءابسەيىتوۆ تابىستادى.
فورۋمدا ونلاين ءسوز العان قر مادەنيەت جانە اقپارات ءمينيسترى, قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمى ايدا بالاەۆا ەلدىڭ تۇراقتى دامۋىنداعى مەملەكەت پەن ايەلدەر ۇيىمدارى اراسىنداعى ءوزارا ارەكەتتەستىكتىڭ ماڭىزدىلىعىن اتاپ ءوتتى.
ايدا بالاەۆا ەلدىڭ تۇراقتى دامۋىنداعى مەملەكەت پەن ايەلدەر ۇيىمدارى اراسىنداعى ءوزارا ارەكەتتەستىكتىڭ ماڭىزدىلىعىنا توقتالا كەلە: «قازاقستان ايەلدەردىڭ قۇقىقتارىن قورعاۋدا تۇجىرىمدامالىق شارالار قاتارىن قابىلدادى. بۇل جاۋاپكەرشىلىكتى ءبىز حالىقارالىق قۇجاتتارعا قول قويا وتىرىپ, وزىمىزگە الدىق. قازاقستان حالقىنىڭ 51 پايىزى ايەلدەر. بۇل وتە زور كۇش. سوڭعى جىلدارى ەلىمىز گەندەردىك تەڭدىككە قاتىستى ماڭىزدى قادامدار قاتارىن جاسادى. وسى ورايدا مەملەكەت باسشىسىنىڭ ساياساتى ماڭىزدى ءرول وينايدى. قازاقستان پرەزيدەنتى باستاماسىمەن ايەلدەردىڭ قۇقىقتارى مەن مۇمكىندىكتەرىن جەتىلدىرۋ سالاسىندا زاڭنامالىق رەفورمالار دا جۇرگىزىلدى.
پارتيا سايلاۋى تىزىمىنە مۇمكىندىگى شەكتەۋلى ايەلدەر مەن جاستاردىڭ 30 پايىزدىق كۆوتاسى ەنگىزىلدى. شەشىم قابىلداۋ دەڭگەيىندەگى ايەلدەردىڭ ۇلەسىن 30 پايىزعا جەتكىزۋ تۋرالى مىندەت قويىلدى. ايەلدەرگە ارنالعان ماماندىقتارعا تىيىم سالىنعان ءتىزىم جويىلدى. وتباسىلىق-تۇرمىستىق زورلىق-زومبىلىق سالاسىنداعى جازالاۋ كۇشەيتىلدى.
بيىل ءبىز 2024-2027 جىلدارعا ارنالعان ايەلدەر مەن ەر-ازاماتتار مۇمكىندىگى مەن قۇقىقتارىن تەڭەستىرۋدى قامتاماسىز ەتۋ جانە جەتىلدىرۋءدىڭارەكەتتەرءى جوسپارىن قابىلدادىق. وتباسىلىق-دەموگرافيالىق ساياساتتاعى ايەلدەر قۇقىن قورعاۋ سالاسىنداعى ماسەلەلەردى شەشۋ ءۇشىن پرەزيدەنت جانىنان بيلىك وكىلدەرى مەن ازاماتتىق قوعامدى بىرىكتىرەتىن ۇلتتىق كوميسسيا جۇمىس ىستەيدى.قازاقستاننىڭ ايەلدەرى بۇگىندە مەملەكەتتىك بيلىكتىڭ بارلىق سالاسىندا كەزدەسەدى. جاڭا تەحنولوگيالار مەن تسيفرلاندىرۋدى ەنگىزۋگە دە بەلسەندى قاتىسىپ جاتىر. ايەلدەر سپورت شەبەرى دە, سول سياقتى سيرەك كەزدەسەتىن ماماندىقتاردىڭ دا يەلەرى.
بۇگىندە پارلامەنتتە جالپى دەپۋتاتتار سانىنىڭ 20 پايىزىن قۇرايتىن 29 ايەل بار. ايەلدەر سونداي-اق مەملەكەتتىك بيلىكتىڭ جوعارعى جەتەكشىلىك قىزمەتتەرىندە دە وتىر. مەملەكەتتىك قىزمەتكەر-ايەلدەر 50 پايىزدان استام سانالادى. قازاقستان ايەلدەرى بىتىمگە كەلتىرۋشى جانە باقىلاۋشى رەتىندە بەيبىتشىلىكتى قولداۋ جونىندەگى بۇۇ وكىلدىكتەرىنە قاتىسادى. ەلىمىزدەگى ارەكەت ەتۋشى شاعىن جانە ورتا بيزنەس سۋبەكتىلەرىنىڭ 43 پايىزىن ايەلدەر باسقارادى.
تاجىريبە كورسەتكەندەي, گەندەرلىك تەپە-تەڭدىك بار جەردە كوپ جاعدايدا دۇرىس شەشىمدەر قابىلدانىپ جاتادى. BeWomen سياقتى الاڭقايداعى جۇمىستار ايماقتارداعى ايەلدەردىڭ مۇمكىندىكتەرى مەن قۇقىقتارىن كەڭەيتۋمەن بايلانىستى وزگەرىستەرگە اسەر ەتەدى», دەدى.
ەستە قالارلىعى, فورۋمعا قازاقستاننىڭ بارلىق ءوڭىرىنىڭ وبلىس جانە قالا اكىمدەرىنىڭ گەندەرلىك تەڭدىك ماسەلەسى جونىندەگى 25 شتاتتان تىس كەڭەسشىلەرى العاش رەت جينالدى.
تەلەجۇرگىزۋشى جانە جۋرناليست كسەنيا سوبچاك ءوز تاجىريبەسى مەن كوڭىلگە تۇيگەندەرى نەگىزىندە بايلانىستىڭ باستى شارتتارى تۋرالى «ديالوگ ونەرى: سەنى تىڭداۋ ءۇشىن قالاي سويلەۋ كەرەك؟» قىسقا-ءدارىسىن وقىدى.
فورۋم سپيكەرى اتاپ وتكەندەي, قازاقستاندىق فيلانتروپ, ەكولوگ, قوعام قايراتكەرى, ء«سابي» قايىرىمدىلىق قورىنىڭ پرەزيدەنتى, ورتا-ازيالىق ەكولوگيالىق زەرتتەۋلەر ينستيتۋتىنىڭ نەگىزىن قالاۋشى جانە جەتەكشىسى اسەل تاسماعامبەتوۆا: «مەن قايىرىمدىلىقتى اسپەتتەۋگە قارسىمىن. ادامدىق ءۇش قاسيەت – راقىمدىلىق, مەيىرىمدىلىك جانە ادامسۇيگىشتىك ءبىزدىڭ ارقايسىمىزدىڭ جۇرەگىمىزدە بار. جاقسىلىق جاساۋ – بۇل ءار ادامنىڭ ىشكى قالاۋى. قايىرىمدىلىقتىڭ كولەمى ماڭىزدى ەمەس. باسپالداق الاڭىنداعى زەينەتكەرگە كومەكتەسەسىز بە, الدە تۇتاستاي زەينەتكەرلەر قورىنا كومەكتەسىز بە, بۇل ماڭىزدى ەمەس. قايىرىمدىلىقپەن اينالىسۋ – قالىپتى جاعداي».
انيتا تسوي اتاپ وتكەندەي: «ادام ءومىرىنىڭ ۇلەسىنە تيەتىن ەڭ قيىن سىناق – بۇل دەنساۋلىق, كەيدە سەن ءوزىڭدى جامان سەزىنگەندە, دۇرىس تۇسىنسەڭىزدەر ەكەن, باسىڭدى كوتەرە الاتىن كۇش تابۋ كەرەك. بارىنەن بۇرىن, ەم الۋعا كوڭىلدى اۋدارۋ. يا, شىندىعىندا, مەنىڭ ەكى رەت ومىرتقا جوتام سىندى. سودان جۇرە الماي قالدىم. سوندا مەن ات سپورتى بويىنشا سپورت شەبەرلىگىنە ۇمىتكەردى بەكىتتىم. سىناق – بۇل ماڭىزدى تاقىرىپ, ونى ومىردە باستان وتكىزە ءبىلۋ كەرەك. ەڭ باستىسى, ەشقاشان ءوزىڭىزدىڭ دۇرىس جاساپ جاتقانىڭىزعا كۇدىك كەلتىرمەڭىز. سوسىن ءوزىڭىزدى ازىراق اياعان دۇرىس».
BeWoman فورۋمىنىڭ تاعى ءبىر فورماتى – سۇحبات بولدى. سۇراق-جاۋاپ سەسسياسىندا كوپبالالى انا, «رۆب» جشس باسشىسى, Wildberriesماركەتپلەيسىنىڭ نەگىزىن قالاۋشى تاتيانا كيم انابولۋ مەن ءوزىن دامىتۋدىڭ اراسىنداعى ءوزىنىڭ وڭتايلاندىرۋ ءتاسىلىن ايتىپ بەردى.
BeWoman فورۋمى ەرەكشە كوڭىلدى ۇزاق جاساۋ ماسەلەسىنە اۋداردى. «جاستا شەك جوق» ساراپشىلىق سەسسياسىنىڭ سپيكەرلەرى الدىڭعى بۋىنعا ارنالعان جوبالار مەن باستامالاردى قولداۋدىڭ ماڭىزدىلىعىن ەرەكشە اتاپ كورسەتتى.
ۇزاق جاساۋ تاقىرىبىن BeWoman فورۋمىنىڭ حەدلاينەرى, تانىمال مودەل, ديەتولوگ, بەستسەللەرلەر اۆتورى, الدىندا Senior Club بەلسەندى ۇزاق جاساۋ ورتالىعىندا بولعان مەي ماسك جالعاستىردى: «ەشقاشان وزىڭە قامقورلىق جاساۋدى توقتاتپاۋ كەرەك, بەلسەندى بولىپ, ءوزىن-ءوزى دامىتقان ءجون. مەن قازاقستاندا الدىڭعى بۋىن وكىلدەرىنە بولىنەتىن كەرەمەت كوڭىلدى, ولاردىڭ بەلسەندىلىگىنقولدايتىنىن كورگەنىمە قۋانىشتىمىن», دەدى.
فورۋمنىڭ تاعى ەكى الاڭقايىندا بەلگىلى سپيكەرلەردىڭ, كوشباسشىلار پىكىرلەرى مەن ينفليۋەنسەرلەرمەن اۋقىمدى باعدارلاما تانىستىرىلدى. «Tomiris» ساحناسىندا تىڭدارماندار جەدەل جانە كلاسسيكالىق ءبىلىمدى تاڭداۋ جايلى تالقىلاۋدىڭ كۋاسى بولدى, بيوحاكينگ تۋرالى اڭىزدى اڭگىمە ەتتى, بالالاردى تاربيەلەۋ ادىستەرىن, سونداي-اق بيزنەستەگى ايەلدەردىڭ ارتىقشىلىقتارى مەن باسىمدىقتارىن تالدادى.
ال بۇگىن فورۋمنىڭ ارنايى قوناقتارىنىڭ قاتىسۋىمەن جابىق برانچ ءوتتى, بۇدان بولەك BeWoman سپيكەرلەرى ماريا كاربان مەن ەلەنا كلەكوۆكينا (سكولكوۆو باسقارۋ مەكتەبى كوشباسشىلىقتى دامىتۋ ورتالىعىنىڭ ديرەكتورى) «راحاتتانۋعا 100 جىل! ورنىقتى جەكە ستراتەگيانى قالاي قۇرۋ كەرەك؟» تاقىرىبىندا شەبەرلىك ءدارىسىن وتكىزدى.
الماتى
