فوتو: قارجىلىق مونيتورينگ اگەنتتىگى
قارجىلىق مونيتورينگ اگەنتتىگى قوستاناي وبلىسىنىڭ اۋماعىنا ۆەيپتەردى, وعان ارنالعان حوش يىستەندىرگىشتەر مەن سۇيىقتىقتاردى زاڭسىز اكەلۋ فاكتىسى بويىنشا سوتقا دەيىنگى تەرگەپ-تەكسەرۋ امالدارىن اياقتاعان.
«ۆەيپتەر قازاقستانعا رەسەي فەدەراتسياسىنان اكەلىنىپ, ءارى قاراي كۋرەرلەر مەن پوچتا جونەلتىمدەرى ارقىلى بۇكىل ەل اۋماعىندا تاراتىلعان. ەلەكتروندى تەمەكى ونىمدەرىن الۋعا وتىنىمدەر 100 000 تەڭگەدەن باستالعان. ەلىمىزدە اينالىمىنا تىيىم سالىنعان ۆەيپتەردى وتكىزۋ فاكتىلەرىن جاسىرۋ ماقساتىندا تولەم شەتەل ازاماتىنىڭ بانك كارتاسىنا قابىلدانىپ وتىرعان.كۇدىكتىنىڭ تۇرعىلىقتى جەرىن ءتىنتۋ بارىسىندا قۇنى 45 ملن تەڭگە شاماسىنداعى 7,5 مىڭعا جۋىق ۆەيپ تابىلىپ, تاركىلەندى», دەلىنگەن حابارلامادا.
سوت كىنالى تۇلعاعا پروباتسيالىق باقىلاۋدى بەلگىلەي وتىرىپ, 1 جىل باس بوستاندىعىن شەكتەۋ تۇرىندەگى جازا تاعايىنداعان.
