جان-جاقتى دامىعان كوشباسشى تۇلعا قالىپتاستىرۋ ماقساتىندا وتەتىن بايقاۋعا ەلىمىزدىڭ ءار وڭىرىندەگى وننان استام جوعارعى وقۋ ورىنان ىرىكتەلگەن, ءسوز قادىرىن جەتە تۇسىنگەن تالانتتى ستۋدەنتتەر قاتىسىپ, اسىل ءسوزدىڭ ارناسىن بايىتىپ, تاجىريبە جينايدى.
بايقاۋدىڭ باس جۇلدەسى – 600 000 تەڭگە, ءى ورىنعا 400 000 تەڭگە, ءىى ورىنعا 200 000 تەڭگە, ءىىى ورىنعا 100 000 تەڭگەلىك سىياقى قاراستىرىلعان. جالپى جۇلدە قورى 2 ميلليون تەڭگەنى قۇرايدى.
ايتا كەتەيىك, شەشەندىك ونەردى جاستار اراسىندا جاڭعىرتىپ-جانداندىرۋ جولىندا بۇرىندى-سوڭدى مۇنداي قوماقتى قارجىلاي سىياقى تاعايىندالعان كولەمدى بايقاۋ وتكەن جوق. بايقاۋدىڭ جالعىز ءارى باس دەمەۋشىسى «اتامۇرا» كورپوراتسياسىنىڭ پرەزيدەنتى, ۇلت جاناشىرى, قوعام قايراتكەرى قۇل-مۇحاممەد راقىمعالي ابرار ۇلى. بابالاردىڭ باي مۇراسىن ۇلىقتايتىن تاعىلىمى مول بايقاۋدىڭ جوبا اۆتورى – جۋرناليست, اباي اتىنداعى رەسپۋبليكالىق دارىندى بالالارعا ارنالعان مەكتەپ-ينتەرناتىنىڭ «شەشەندىك ونەر» ءپانىنىڭ مۇعالىمى, ء«دىلمار» رەسپۋبليكالىق شەشەندىك ونەردى دامىتۋ كلۋبىنىڭ نەگىزىن قالاۋشى جارقىن سالەن ۇلى.
بايقاۋدىڭ ماقساتى مەن مىندەتى: بىلىمگەرگە ءسوز ونەرىنىڭ ەرەكشەلىگى مەن جۇيەلى ءسوز ساپتاۋ شارتتارىن مەڭگەرتۋ, ساۋاتتى ءارى جاتىق سويلەۋ داعدىسىن - سويلەۋ مادەنيەتىن قالىپتاستىرۋ; ءسوز ونەرىمىزدىڭ تاريحي-مادەني جانە ەتنومادەني بولمىسىن تانۋ, ءسوز قۇندىلىعىن باعالاۋ, ۇلتتىق تاربيە بەرۋ, سول ارقىلى ادەبي ءتىل نورماسىنا سايكەس مەملەكەتتىك ءتىلدى قولدانۋدىڭ جاڭا دەڭگەيىن قالىپتاستىرۋ.
ءتورت كەزەڭنەن تۇراتىن جەكپە-جەك شەشەندىك سايىس جانە جەكە ساۋالدارعا جاۋاپ بەرۋگە نەگىزدەلگەن ءبولىم بويىنشا وتەتىن ءسوز دوداسىنا قاتىسۋشىلار تاقىرىپتى جەرەبە ارقىلى تالداپ, جەرەبە ارقىلى جۇپتاسادى. الدىن-الا دايىندالاتىن مازمۇن ۇسىنىلعانىمەن ناقتى تاقىرىپ تەك سايىس ۇستىندە عانا بەرىلەتىندىكتەن سايىسكەردىڭ وي ۇشقىرلىعى, تاپقىرلىعى, جان-جاقتى ءبىلىمى, اقىل-پاراساتى, تاجىريبەسى بايقاۋ كەزىندە ساراپقا سالىنادى. شەشەندىكتىڭ شارتتارى وسى ونەردىڭ تۇپنۇسقاسىنا مەيلىنشە جاقىن بولعاندىقتان قىزىقتى ءارى تارتىستى بولارى داۋسىز. قازىلار القاسى ءار سايىس سوڭىندا جەكە-جەكە باعا بەرىپ, پىكىر جانە ۇسىنىس ايتادى. دەمەك, بايقاۋدى سايىس ءارى تاجىريبەلىك ساباق رەتىندەگى ناتيجەلى قادام دەپ قابىلداۋعا بولادى.
بايقاۋعا وقۋ ورنىنىڭ باسشىلىعى, وقىتۋشىلار مەن ستۋدەنتتەر, زيالى قاۋىم مەن باق وكىلدەرى, اتالى ءسوزدى ارداقتايتىندار قاتىسادى.
ۇيىمداستىرۋشىلار: SDU University مەن رەسپۋبليكالىق ء«دىلمار» شەشەندىك ونەردى دامىتۋ كلۋبى
باس دەمەۋشى: «اتامۇرا» كورپوراتسياسى
ۋاقىتى: 22-ءشى قازان, 09:30
ورنى: قاسكەلەڭ قالاسى, ابىلاي حان كوشەسى 1/1, SDU Life عيماراتى, Blue Hall زالى
بايلانىس تەلەفونى: 8705 666 88 90(جارقىن)
