فوتو: gov.kz
ەڭبەك جانە حالىقتى الەۋمەتتىك قورعاۋ مينيسترلىگى قىركۇيەك ايىندا 525,9 مىڭ وتباسىعا 35,2 ملرد تەڭگە جاردەماقى بەرىلگەنىن اتاپ ءوتتى.
بۇل مەملەكەتتىك جاردەماقىعا بىرگە تۇراتىن 4 جانە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.
تولەم مولشەرى بالا سانىنا قاراي ەسەپتەلىپ, تولەنەدى. 2024 جىلى ءار 4 بالادان كوپ وتباسىعا مىنا سۋممادان اي سايىن ۇلەستىرىلگەن:
- 4 بالاسى بار وتباسىلارعا – 16,03 اەك نەمەسە 59 183 تەڭگە;
- 5 بالاعا – 20,04 اەك نەمەسە 73 988 تەڭگە;
- 6 بالاعا – 24,05 اەك نەمەسە 88 793 تەڭگە;
- 7 بالاعا – 28,06 اەك نەمەسە 103 598 تەڭگە;
- 8 جانە ودان دا كوپ بالاسى بار وتباسىلارعا – ءاربىر بالاعا 4 اەك نەمەسە 14 768 تەڭگە مولشەرىندە تولەنەدى.
ايتا كەتەيىك, 2024 جىلعى 1 قاڭتاردان باستاپ كوپبالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى 7%-عا ارتتى.
بيىل كوپبالالى وتباسىلارعا مەملەكەتتىك جاردەماقى تولەۋگە 474 ملرد تەڭگە قاراستىرىلعان.
