سۋرەتتەردى تۇسىرگەن – قايرات قونىسپاەۆ
كومپانيا ءوز قىزمەتىن كەڭەيتۋ ماقساتىندا «Bereke Bank» ارقىلى اينالىم قاراجاتىن تولىقتىرۋعا نەسيە, «دامۋ ءوندىرىس» باعدارلاماسى اياسىندا «Halyk Bank» ارقىلى قارجىلاندىرۋ العان. سىياقى مولشەرلەمەسىن «دامۋ» قورى سۋبسيديالاپ, مەملەكەتتىك قولداۋ كورسەتكەن.
كاسىپورىن مەنەدجەرى جۇلدىز ءابىشوۆانىڭ ايتۋىنشا, «Novus Polymer» – نارىقتىڭ وسى سەگمەنتىندە جۇمىس ىستەي باستاعان العاشقى كومپانيالاردىڭ ءبىرى. «Galwin» ساۋدا ماركاسىنىڭ پروفيلدەرى الماتى قالاسىندا ەۋروپالىق تەحنولوگيالار نەگىزىندە «Krauss Maffei» وندىرىستىك جەلىلەرى مەن «Greiner Extrusion Technology» ەكسترۋزيا سالاسىنداعى الەمگە ايگىلى كومپانيانىڭ ماتريتسالارىندا دايىندالادى. دوزالاۋ جۇيەسىنىڭ بارلىق جۇمىسى اۆتوماتتاندىرىلعان. قولدانىلاتىن تەحنولوگيالار مەن بىرەگەي جابدىقتار قىسقا مەرزىم ىشىندە ستاندارتتى, ستاندارتتى ەمەس مولشەردەگى جوعارى ساپالى پروفيلدەر, تۇستەر شىعارۋعا مۇمكىندىك بەرەدى.
ء«بىز تەرەزە جاقتاۋلارىنا ارنالعان پروفيلدەردى 2006 جىلدان باستاپ شىعاردىق. قازىر زاۋىتتا 2 020 جۇمىسشى بار. بيىل «دامۋ» قورىنىڭ دەمەۋىمەن قوسىمشا جۇمىس ورىندارى اشىلدى. قازىر بارلىق قالادا ءبىزدىڭ رەسمي وكىلدىكتەرىمىز بار. راس, ىشكى نارىقتا دا, سىرتقى نارىقتا دا باسەكەلەستەرىمىز كوپ. بىراق ءبىزدىڭ ءونىم ەكولوگيالىق تازا شيكىزات قۇرامىمەن ەرەكشەلەنەدى», دەيدى جۇلدىز ءابىشوۆا.
تامشى تۇتىكتەرى مەن تامشىلاپ سۋارۋ جۇيەلەرىنىڭ جاھاندىق ءوندىرۋشىسى – «Metzer Group» كومپانياسىنىڭ ەنشىلەس ۇيىمى – «يرريگاتور قازاقستان» جشس ءوز قىزمەتىن 2014 جىلى باستادى. ونىمدەر تامشىلاتىپ سۋارۋ سالاسىندا قولدانىلادى. «ەۋرازيالىق بانك» ارقىلى كاسىپورىن كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى اياسىندا قارجىلاندىرۋعا يە بولدى. قور جىلدىق 21,75% سىياقى مولشەرلەمەسىنىڭ 13,75%-ىن سۋبسيديالاپ, قولداۋ كورسەتتى نەسيە قاراجاتى الماتى قالاسىنىڭ يندۋستريالدى ايماعىنداعى تامشىلاتاتىن تۇتىك, پوليەتيلەن, تامشىلاتاتىن قۇبىرلار شىعاراتىن قوندىرعىلار ازىرلەيتىن زاۋىتقا جۇمسالدى.
كومپانيا باس ديرەكتورى مۇرات اقشالوۆ مەملەكەتتىك ورگاندارمەن جانە حالىقارالىق ۇيىمدارمەن بىرلەسىپ فەرمەرلەرگە ىلعال ۇنەمدەۋ تەحنولوگيالارىن دۇرىس قولدانۋعا ۇيرەتۋ ماقساتىندا ءبىلىم بەرۋ باعدارلامالارىن جۇرگىزگەنىن اتاپ ءوتتى.
«بۇگىندە مەملەكەت بۇل ماسەلەدە فەرمەرلەردى بەلسەندى قولدايدى, ىلعال ۇنەمدەۋ تەحنولوگيالارىن ەنگىزۋگە سۋبسيديالار بەرەدى. بۇل ولاردى كەڭىنەن پايدالانۋعا ىنتالاندىرادى. اۋىل شارۋاشىلىعىنىڭ كليماتتىق وزگەرىستەرگە توزىمدىلىگىن ارتتىرۋ مەن ىلعال تاپشىلىعى جاعدايىندا سۋ رەسۋرستارىن پايدالانۋدى جاقسارتۋدى كەشىكتىرۋگە بولمايدى. تامشىلاتىپ سۋارۋدىڭ زاماناۋي تەحنولوگيالارى سۋارۋ كەزىندە سۋ ىسىرابىن ازايتۋ ماقساتىندا قولدانىلادى. مۇنداي جۇيەلەر وسiمدiكتەرگە سۋ بەرۋدi نەعۇرلىم ءدال باقىلاۋعا مۇمكiندiك بەرەدi. اسىرەسە قۇرعاقشىلىق كەزەڭدە ەرەكشە ماڭىزدى», دەيدى.
جەمىس ءشارباتتارى مەن جەمىس-جيدەك پيۋرەسىن وندىرەتىن «SKbar» كومپانياسىنىڭ العاشقى كليەنتتەرى مەيرامحانالار مەن ءدامحانالار بولدى,. ەلىمىزدە ءشاربات تۇتىنۋ مادەنيەتى ءوسىپ كەلە جاتىر. ادامدار جاڭا دامدەردى تاتىپ كورگىسى كەلەدى. تيىسىنشە, وعان كوپ قارجى جۇمسايدى.
جوبا جەتەكشىسى زاكير مۇحامەدوۆتىڭ ايتۋىنشا, گليۋكوزالى-فرۋكتوزالى ءشاربات اعزاعا جەڭىل سىڭەدى. قازىر قالاداعى ءدامحانالار مەن كافە-بارلاردىڭ ءبىرازى وسى كاسىپورىننىڭ ونىمىنە تاپسىرىس بەرەدى ەكەن.
«كاسىپورىننىڭ وندىرىستىك قۋاتى – جىلىنا 7 ملن ليتر ءشاربات, 1,5 ملن ليتر پيۋرە, 250 توننا مۇز. دامدەر پاليتراسى وتە كەڭ. قازىرگە دەيىن 100 حوش ءيىس پەن ءدامدى شىعارۋ يگەرىلدى. كومپانيادا 100-دەن اسا قىزمەتكەر جۇمىس ىستەيدى. شاعىن كولەمنەن باستادىق. قولدا بار قاراجاتقا قاراۋسىز قالعان عيماراتتى وندىرىسكە دايىندادىق. جاڭا جەلى ساتىپ العاننان كەيىن ءونىمدى جەتكىزۋ كەزىندەگى اۆتوموبيل تاپشىلىعى پروبلەماسىنا تاپ بولدىق. «دامۋ» قورى اۆتوكولىك ساتىپ الۋ ءۇشىن نەسيەنىڭ پايىزدىق مولشەرلەمەسىن 19%-دان 8%-عا دەيىن سۋبسيديالاۋعا كومەكتەستى. بۇل بىزگە جۇمىس ورىندارىن ۇلعايتۋعا مۇمكىندىك بەردى. بۇگىندە كاسىپورىننىڭ قۋاتتىلىعى 50%-عا جەتتى», دەيدى زاكير مۇحامەدوۆ.
الماتى
