قاتار ينۆەستيتسياسى قارجى نارىعىنا قالاي اسەر ەتەدى؟

جىل سوڭىنا قاراي بانك 124,5 ملرد تەڭگە شىعىندى تىركەدى. بۇعان كليەنتتەردىڭ جىلىستاۋى مەن رەسەيلىك اكتسيونەرگە نەسيەنى قايتارۋ سەبەپ بولعانى سول كەزدە اشىق ايتىلدى. وسىدان كەيىن حولدينگ بانك دەپوزيتىنە ءوز قاراجاتىن دا, ەنشىلەس كومپانيالاردىڭ سالىمدارىن دا ورنالاستىردى. 2023 جىلدىڭ جازىندا بانك «Fitch Ratings» رەيتينگىن الدى. جەرگىلىكتى جانە شەتەلدىك بانكتەرمەن كوررەسپوندەنتتىك شوتتار جاڭارتىلىپ, SWIFT ارقى­لى ۆاليۋتالىق اۋدارىم قال­پىنا كەلتىرىلدى. قازانعا قاراي «Bereke Bank» VISA تولەم جۇيەسىمەن جۇمى­سىن قايتا باستادى.

2023 جىلدى بانك 29 ملرد تەڭگە تازا پايدامەن, 2,1 ترلن تەڭگە اكتيۆپەن, 1,9 ترلن تەڭگە مىندەتتەمەمەن اياقتادى.

«Lesha Bank»-پەن مامىلە جاساماس بۇرىن حولدينگ كوپتەگەن ۇسىنىستى قاراستىردى. بۇل رەتتە ۇلەستى دە, بانك اكتسيالارىنىڭ تولىق پاكەتىن دە ساتۋ ماسەلەسى تالقىلاندى. بىراق «Lesha Bank» ۇسىنىسى اناعۇرلىم تارتىمدى بولدى, ويتكەنى ونىڭ ىشىندە ۇسىنىلعان ساتىپ الۋ باعاسى, مامىلەنى جابۋ مەرزىمى, بانك اكتسيالارىنىڭ بارلىق پاكەتىن ساتىپ الۋ نيەتى بار ەدى.

«بايتەرەك» حولدينگىنىڭ حابارلاۋىنشا, بانك كليەنتتەر الدىنداعى بارلىق مىندەتتەمەسىن ورىنداۋدى جالعاستىرادى. قارجى نارىعىن رەتتەۋ جانە دامىتۋ اگەنتتىگى (قنردا) مالىمەتىنشە, اكتسيونەردىڭ اۋىسۋى بانككە دامۋ پەرسپەكتيۆالارىن اشىپ, حالىقارالىق ستاندارتتاردى ەنگىزۋگە, ءونىم جەلىسىن كەڭەيتۋگە, كليەنتتەرگە قىزمەت كورسەتۋ ساپاسىن ارتتىرۋعا مۇمكىندىك بەرەدى.

«بۇل بانك پوزيتسياسىن نىعايتۋ­عا, قارجىلىق تۇراقتىلىقتى ارت­تىرۋعا, سونداي-اق كليەنتتەرگە يننوۆاتسيالىق ءارى باسەكەگە قابىلەت­تى شەشىمدەردى ۇسىنۋعا ىقپال ەتەدى. شەتەلدىك ينۆەستوردىڭ وتان­دىق قارجى نارىعىنا كەلۋى ەكىنشى دەڭگەيلى بانكتەر اراسىنداعى باسەكەلەستىكتى ارتتىرىپ, ناقتى سەكتوردى نەسيەلەندىرۋدىڭ ءوسۋىن قامتاماسىز ەتەدى», دەپ مالىمدەدى قنردا.

«Bereke Bank» اكتيۆ كولەمى جونىنەن – 9-ورىندا, نەسيە پورتفەلى­نىڭ كولەمى جونىنەن – 7-ورىندا. بانك اكتيۆتەرى – 2 338 ملرد تەڭگە, مەنشىكتى كاپيتالى – 186 ملرد تەڭگە. «Lesha Bank» قاتاردا تاڭداۋلى ءتورت بانكتىڭ قاتارىنا كىرەدى. بانك­تىڭ يسلامدىق قارجىلاندىرۋداعى كورپوراتيۆتىك الەۋمەتتىك باستامالارى, تسيفرلىق شەشىمدەرى مەن ۇسىنىستارى دا ەرەكشە تانىمال. 2024 جىلعى 1 شىلدەدەگى جاعداي بويىنشا قارجى ينستيتۋتىنىڭ اكتيۆتەرى – 2,05 ملرد دوللار, مەنشىكتى كاپيتالى – 0,35 ملرد دوللار, كاپيتالدىڭ جەتكىلىكتىلىك كوەففيتسيەنتى – 16,9%. 2023 جىلدىڭ قورىتىندىسىن­دا – 26,5 ملن دوللار, 2024 جىلدىڭ 6 ايىندا 15,5 ملن دوللار تازا پايدا تاپتى.

ساراپشىلاردىڭ ايتۋىنشا, قاتار ينۆەستورلارىنىڭ قولداۋى­مەن بانك ايتارلىقتاي ءوسىم كورسەتۋگە ءتيىس. «Lesha Bank» – «Qatar Financial Center» قور بيرجاسىندا تىركەلگەن جاريا كومپانيا. بانكتىڭ ءىرى قۇرىلتايشىلارىنىڭ ءبىرى –قاتار ءامىرىنىڭ اكەسى شەيح حاماد بين حاليفا ءال تاني. شەيح حاماد ءوزىنىڭ ينۆەستيتسيالىق باستامالارىمەن, ەل ەكونوميكاسىن ءارتاراپتاندىرۋ ستراتەگياسىمەن تانىمال. بۇل ساياسات الەمگە ايگىلى QIA ينۆەستيتسيالىق قورىن قۇرۋعا ىقپال ەتتى. بانكتىڭ ديرەكتورلار كەڭەسىن شەيح فەيسال بين تاني ءال تاني باسقارادى. شەيح فەيسال قاتار ينۆەستيتسيالىق قورى – «Qatar Investment Authority» (QIA) كومپانياسىنداعى باستى تۇلعالاردىڭ ءبىرى.

قاتارلىقتار ءۇشىن ءبىزدىڭ بانك­ت­ىڭ اكتيۆتەرىن ساتىپ الۋ – قازاقستان مەن ورتالىق ازيانىڭ بانك نارىعىنا كىرۋ مۇمكىندىگى عانا ەمەس, سونىمەن قاتار ەلىمىزدە جوس­پارلانىپ وتىرعان ميلليارد­تا­عان ينۆەستيتسياعا بايلانىستى قارجى اعىندارىن باقىلاۋ تەتىگى. ساراپشىلار «Lesha Bank» پەن باسقا دا قاتارلىق ينۆەستورلاردى تارتۋ وتە ماڭىزدى وقيعا ەكەنىن ايتادى. گەوساياسي جاعدايلار قۇبىلىپ تۇرعان كەزدە وسىنداي سەنىمدى سەرىكتەستى تارتۋ بىزگە الەمدىك ارەنادا جاڭا مۇمكىندىكتەرگە جول اشىپ, ينۆەستيتسيالىق تارتىمدىلىعى جوعارى ەل رەتىندە تانىتپاق.

الماتى