فوتو: newtimes.kz
انىقتالعانداي, قالالىق ەمحانانىڭ باس ەسەپشىسى قىزمەت بابىن پايدالانىپ, قاساقانا پايداقورلىق نيەتپەن 2012-2023 جىلدار ارالىعىندا وزىنە سەنىپ تاپسىرىلعان 573 ملن تەڭگەدەن استام بيۋدجەت قاراجاتىن يەمدەنىپ, بانكتەردەگى ءوز ەسەپ-شوتتارىنا اۋدارعان. قىلمىستىق جولمەن الىنعان قاراجاتتى اۋدارۋ تۇرىندە مامىلەلەر جاساسۋ ارقىلى زاڭداستىرعان.
ناتيجەسىندە, ەمحاناعا اسا ءىرى مولشەردە زالال كەلتىرىلگەن. ءىستى قاراۋ بارىسىندا سوتتالۋشى 3 ملن تەڭگەنى وتەگەن.
پروكۋرور سوتتالۋشىنى 8 جىل مەرزىمگە باس بوستاندىعىنان ايىرۋدى سۇراعان. سوتتالۋشى ءوز كىناسىن ءىشىنارا مويىنداپ, شىنايى تۇردە وكىنىپ, جەڭىل جازا ءتۇرىن تاعايىنداۋدى وتىنگەن.
«سوتتالۋشى تاعىلعان ايىپتار بويىنشا كىنالى دەپ تانىلىپ, قىلمىستىق جولمەن تابىلعان قاراجاتقا ساتىپ الىنعان مۇلكى مەملەكەت پايداسىنا تاركىلەنىپ, قاراجات جانە ماتەريالدىق جاۋاپتىلىققا بايلانىستى قىزمەتپەن اينالىسۋ قۇقىعىنان 10 جىلعا ايىرا وتىرىپ, 8 جىل مەرزىمگە باس بوستاندىعىنان ايىرۋ جازاسى تاعايىندالدى», دەلىنگەن حابارلامادا.
اپەللياتسيا ءبىرىنشى ساتىداعى سوتتىڭ ۇكىمىمەن كەلىستى. سوت ۇكىمى زاڭدى كۇشىنە ەندى.
