كاليفورنيالىق REMspace ستارتابىنىڭ زەرتتەۋشىلەرى ارنايى جابدىقتىڭ كومەگىمەن ەكى ادامدى ءتۇس ارقىلى بايلانىستىرىپ, تاجىريبە جاساپ كوردى. كومپانيانىڭ مالىمەتىنشە, قۇرىلعى ۇيىقتاپ جاتقان ادامداردىڭ مي تولقىندارىنداعى دەرەكتەردى باقىلاعان. سەرۆەر قاتىسۋشىلاردىڭ بىرەۋى تەرەڭ ۇيقىعا كەتكەنىن انىقتاعان كەزدە, ول كەزدەيسوق ءسوز تۋدىرىپ, ونى قۇلاققاپ ارقىلى ەكىنشى ۇيىقتاپ جاتقان ادامعا جەتكىزگەن. قاتىسۋشى ءسوزدى تۇسىندە قايتالاپ ايتقان. جاۋابى سەرۆەرگە جازىلىپ ساقتالعان. REMspace وكىلدەرى بۇل بايلانىسقا ء«تۇس كەزىندەگى العاشقى چات» دەپ ات قويعان. جالپى, بۇل – ادام ۇيىقتاپ جاتقانىن سانالى تۇردە ءتۇسىنىپ, ءتۇسىن باسقارا الاتىن سانانىڭ وزگەرگەن كۇيى. REMspace كومپانياسى بۇل تەحنولوگيا جاساندى ينتەللەكت سياقتى ۇلكەن وزگەرىس اكەلۋى مۇمكىن ءارى ول فيزيولوگيالىق ماسەلەلەردى شەشە الادى دەپ وتىر.
ديريجەر روبوت
ادام مەن روبوت بىرلەسىپ وتكىزگەن ەرەكشە كونتسەرت ءوتتى.
درەزدەندىك سيمفونيالىق وركەستر Dresden Sinfoniker ءوزىنىڭ 25 جىلدىعىنا ارناپ ەرەكشە كونتسەرت بەردى. ەكى بولىمنەن تۇراتىن كونتسەرتتىڭ ءبىرىنشى ءبولىمىن ادام باسقارسا, ەكىنشى ءبولىمىن روبوت جۇرگىزگەن. وسىلايشا, MAiRA روبوتى ۆيلاند رەيسماننىڭ «kreuzknoten» اتتى شىعارماسىنىڭ الەمدىك پرەمەراسىن باسقارعان. بۇل تۋىندى ديريجەر ادامعا قيىنداۋ, ويتكەنى وندا قيىلىسقان كۇردەلى ىرعاقتار بار. روبوتتى Dresden Sinfoniker-ءدىڭ كوركەمدىك جەتەكشىسى ماركۋس ريندت ەكى جىل بويى ابدەن جاتتىقتىرعان.
جاساندى ينتەللەكت جاڭالىعى
جاساندى ينتەللەكت اداممەن جارىسىپ جاڭالىق اشاتىن دەڭگەيگە دە جەتىپ ۇلگەردى. حالىقارالىق عالىمدار توبى نەيروجەلىنىڭ كومەگىمەن بۇرىن بەلگىسىز بولعان 70 500 رنق-ۆيرۋسىن انىقتادى.
ەندى قورشاعان ورتاداعى گەنومداردىڭ ۇلگىلەرىن الىپ, جەكەلەگەن ۆيرۋستاردى ءوسىرۋدىڭ قاجەتى جوق. زەرتتەۋشىلەر بۇنداي تالداۋعا LucaProt دەپ اتالاتىن جاساندى ينتەللەكت مودەلىن ازىرلەپ شىقتى. LucaProt مودەلىنە ESMFold ارقىلى اقۋىزداردىڭ قۇرىلىمىن بولجاۋ مەن سەكۆەنتسيالاۋ دەرەكتەرى قوسىلعان. ول زەرتتەۋ بارىسىندا گەنومدىق دەرەكتەردىڭ ۇلكەن كولەمىن تالداي وتىرىپ, وسى فەرمەنتتى كودتايتىن تىزبەكتەردى انىقتاپ, ۆيرۋستاردى تاپتى. انىقتالعان ۆيرۋستاردىڭ كوپشىلىگى بۇرىننان بەلگىلى ۆيرۋس تۇرلەرىنە ۇقسامايتىن بولىپ شىقتى.
