سايلاۋ قورىتىندىلارى انىقتالدى

كەشە قازاقستان رەسپۋبليكاسى ورتالىق سايلاۋ كوميس­سياسىنىڭ وتىرىسى بولدى, وندا 2015 جىلعى 26 ساۋىردەگى قازاق­ستان رەسپۋبليكاسى پرەزيدەنتىنىڭ كەزەكتەن تىس سايلاۋى­نىڭ قورىتىندىلارى جاريالاندى. وبلىستىق, استانا جانە ال­ماتى قالالىق اۋماقتىق سايلاۋ كوميسسيالارى ۇسىنعان دەرەكتەرگە سايكەس, ورتالىق سايلاۋ كوميسسياسى تىزىمدەرگە ەنگىزىلگەن 9 547 864 ساي­لاۋشىنىڭ  9 090 920-سى نەمەسە 95,21%-ى داۋىس بەرۋگە قاتىسقانى بەلگىلى بولىپ وتىر. سايلاۋشىلار داۋىسى جالپى رەسپۋبليكا بويىنشا تومەندەگىدەي ءبولىنىپتى: ابىلعازى قالياقپار ۇلى قۇ­سايى­­نوۆقا سايلاۋشىلاردىڭ 57 718 داۋىسى بەرىلسە, بۇل 0,64%-دى قۇرايدى. نۇرسۇلتان ءابىش ۇلى نازار­باەۆقا – 8 833 250  نەمەسە 97,75%. تۇرعىن ىسقاق ۇلى سىزدىقوۆقا – 145 756 نەمەسە  1,61%. «سايلاۋ تۋرالى» زاڭعا ءساي­كەس جانە ورتالىق, سونداي-اق, وب­لىستىق, استانا جانە الماتى قا­لا­لىق اۋماقتىق سايلاۋ كوميس­سيالارىنىڭ قازاقستان رەس­پۋب­ليكاسىنىڭ پرەزيدەنتىن ساي­لاۋ ناتيجەلەرى تۋرالى حات­تاما­لارىنىڭ نەگىزىندە ورتالىق سايلاۋ كوميسسياسى سايلانعان قازاقستان رەسپۋبليكاسى پرەزيدەنتى بولىپ  نۇرسۇلتان ءابىش ۇلى نازارباەۆ سانالسىن دەپ قاۋلى ەتتى. سايلاۋدىڭ ناتيجەلەرى تۋرالى قازاقستان رەسپۋبليكاسىنىڭ ورتالىق سايلاۋ كوميسسياسى بەكىتكەن رەسمي حابار باق-تا جاريالانادى جانە ورتسايلاۋكومنىڭ رەسمي ينتەرنەت-رەسۋرسىندا ورنالاستىرىلادى. سونىمەن قاتار, قازاقستان رەسپۋبليكاسى ورتالىق سايلاۋ كوميسسياسى 2015 جىلعى 26 ساۋىردە كەزەكتەن تىس سايلاۋدا سايلانعان قازاقستان رەسپۋبليكاسىنىڭ پرەزيدەنتىن تىركەۋ تۋرالى قاۋلى قابىلدادى جانە 2015 جىلعى 29 ءساۋىردى قازاقستان رەسپۋبليكاسى پرەزيدەنتىنىڭ انت بەرۋ كۇنى دەپ بەلگىلەدى. ورتسايلاۋكوم توراعاسى ور­تا­لىق سايلاۋ كوميسسياسى اتالعان قاۋلىلاردى قابىلداي وتىرىپ, مەملەكەت باسشىسىن سايلاۋ ءجو­نىندەگى سايلاۋ ناۋقانىنىڭ سوڭعى كەزەڭىن اياقتايدى دەپ اتاپ ءوتتى. «وتكەن سايلاۋ ناۋقانى بارى­سىندا وزدەرىنىڭ ساياسي ەركىن بەل­سەندى ءارى بىرەگەي كورسەتكەن بار­لىق قازاقستاندىقتاردى قۇتتىق­تاۋعا, سونداي-اق, سايلاۋ پرو­تسەسى­نىڭ بارلىق قاتىسۋشى­لارى­نا, اسىرەسە, سايلاۋدى ۇيىمداس­تىرۋ­شىلارعا ادال جانە جاۋاپتى جۇمىستارى ءۇشىن العىس ءبىلدى­رۋگە رۇقسات ەتىڭىزدەر. ساي­لاۋ كوميسسيالارى قازاقستان رەس­پۋبليكاسى پرەزيدەنتىنىڭ سايلاۋىن ۇيىمداستىرۋ جانە وتكىزۋ جونىندەگى ولاردىڭ الدارىنا قويىلعان مىندەتتەردى ورىنداپ شىقتى دەپ ويلايمىن», – دەدى ق.تۇرعانقۇلوۆ وتىرىس سوڭىندا. اسقار تۇراپباي ۇلى, «ەگەمەن قازاقستان». استانا.