فوتو: وقۋ-اعارتۋ مينيسترلىگى
بيىل مەكتەپ جاسىنا دەيىنگى بالانىڭ جەكە دامۋ كارتاسى اۆتوماتتاندىرىلدى. مەكتەپ جاسىنا دەيىنگى بالانىڭ جەكە دامۋ كارتاسى ءار بالانىڭ قاجەتتىلىكتەرىن تەرەڭىرەك تۇسىنۋگە جانە مەكتەپتە وقۋدى ءساتتى باستاۋ ءۇشىن دايىنداۋعا مۇمكىندىك بەرەدى.
«كارتادا دامۋدىڭ بارلىق ماڭىزدى اسپەكتىلەرى كورسەتىلگەن. ونىڭ ىشىندە تيپتىك وقۋ باعدارلاماسىن يگەرۋ بارىسىندا قالىپتاساتىن فيزيكالىق جاعداي, كوممۋنيكاتيۆتى, تانىمدىق, ينتەللەكتۋالدى, شىعارماشىلىق, زەرتتەۋ جانە الەۋمەتتىك-ەموتسيونالدى داعدىلار بار. مۇنداي جۇيەلى ءتاسىل ساپالى ءبىلىم بەرۋدى قامتاماسىز ەتەدى جانە بالالاردىڭ باستاۋىش مەكتەپتە تابىستى بەيىمدەلۋىنە ىقپال ەتەدى», دەدى قر وقۋ-اعارتۋ مينيسترلىگىنىڭ مەكتەپكە دەيىنگى ءبىلىم دەپارتامەنتىنىڭ ديرەكتورى مانار اداموۆا.
كارتا تسيفرلىق فورماتقا اۋىستىرىلىپ, ۇلتتىق ءبىلىم بەرۋ دەرەكقورىمەن ينتەگراتسيالانعان. بۇل اقپاراتتى مەكتەپتەرگە جولداپ, مەكتەپكە دەيىنگى ءبىلىم بەرۋ مەن باستاۋىش ءبىلىم بەرۋ اراسىنداعى ساباقتاستىقتى قامتاماسىز ەتەدى.
