فوتو: ۆەدومستۆو. تەلەگرام
مينيسترلىكتىڭ «قازسۋشار» كاسىپورنىندا 67 سۋشىلار اۋلەتى جۇمىس ىستەيدى. ولاردىڭ باسىم بولىگى - 25 اۋلەت ق.ساتپاەۆ اتىنداعى كانالدا ەڭبەك ەتەدى. جامبىل وبلىستىق فيليالدا - 19, تۇركىستان وبلىستىق فيليالدا - 8, جەتىسۋ وبلىسىندا - 6, قىزىلوردادا – 3, اقتوبە وبلىسىندا - 2 سۋشىلار اۋلەتى بار. باتىس قازاقستان, اقمولا, سولتۇستىك جانە شىعىس قازاقستان وبلىستارىندا سۋشىلاردىڭ 1 اۋلەتىنەن بار.
ەڭ كوپ سۋشى شىققان اۋلەت - شامشيەۆتەر اۋلەتى. اقمولا وبلىستىق فيليالدا ءبىر وتباسىدان 7 مامان جۇمىس ىستەگەن. بۇگىندە اتالارى باستاعان قىزمەتتى نەمەرەلەرى جالعاستىرعان.
تاسقىن كەزىندە كوزگە ءتۇسىپ, مەملەكەت باسشىسىنان ماراپات العان ش.ابديەۆ تە سۋشىلار اۋلەتىنىڭ نەگىزىن سالۋشى. بۇگىندە ونىڭ ءىنىسى مەن كەلىنى, بالاسى اقتوبە وبلىسى بويىنشا «قازسۋشار» فيليالىنىڭ ۋچاسكەلەرىندە جۇمىس ىستەيدى.
ء«بىز ەلىمىزدىڭ سۋ شارۋاشىلىعىندا قىزمەت ەتىپ جۇرگەن اۋلەتتەردى ماقتان تۇتامىز جانە ولاردىڭ ەڭبەگىن جوعارى باعالايمىز. اكەدەن بالاعا, اتادان نەمەرەسىنە جالعاسىپ كەلە جاتقان ۇرپاقتار ساباقتاستىعى ءبىلىم مەن تاجىريبە الماسۋ ءۇشىن دە وتە ماڭىزدى», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
