بۇل تۋرالى اكىمدىكتىڭ ءباسپاسوز قىزمەتى حابارلادى.
«الماتى وبلىسىنىڭ اكىمدىگى باسپاناسىن ءورت شالعان ش. بولاتتىڭ وتباسىنا تۇرعىن ءۇيدى قالپىنا كەلتىرۋگە كومەكتەسەتىن بولدى. سونىمەن قاتار ولارعا جوندەۋ جۇمىستارى اياقتالعانشا ۋاقىتشا باسپانا بەرىلەدى», دەلىنگەن وبلىستىق اكىمدىتىڭ حابارلاماسىندا.
ەسكە سالايىق, 4 قازانعا قاراعان ءتۇنى تالعاردا ازىق-ت ۇلىك دۇكەنى جانىندا جانجال بولىپ, سونىڭ سالدارىنان 16 جاستاعى ءجاسوسپىرىم پىشاق جاراقاتىنان قازا تاۋىپ, تاعى ەكى ادام جاراقات العان ەدى. اتالعان وقيعاعا قاتىستى 7 ادام قاماۋعا الىندى.
كوز جۇمعان ءجاسوسپىرىمنىڭ تۋىستارى ايتىپ وتكەندەي, ولارعا شابۋىل جاساعان قارۋلى توپتىڭ قۇرامىندا 13 ادام بولعان. ال بۇگىن, ياعني 12 قازاندا تۇندە بەلگىسىز بىرەۋلەر مارقۇمنىڭ تۋىستارى تۇراتىن ءۇيدى ورتەپ جىبەرگەن. باس پروكۋراتۋرا ءورت وقيعاسىنا قاتىستى ءىستى جەكە باقىلاۋعا العانىن مالىمدەدى.
