سەرىك جۇمانعارين پاۆلودار وبلىسىنا جاساعان جۇمىس ساپارى اياسىندا «Agro-Trade PV» جشس-نىڭ سىيىمدىلىعى 10 مىڭ توننا كوكونىس ساقتاۋ قويماسى مەن 1,2 مىڭ مال باسىنا ارنالعان تاۋارلى-ءسۇت فەرماسىنا باردى. اگرارلىق نەسيە كورپوراتسياسىنىڭ قولداۋىمەن 2022 جىلى سالىنعان تاۋارلى-ءسۇت فەرماسى جىلىنا 4 ملن ليتر ءسۇت وندىرەدى. ودان سوڭ شيكىزات قايتا وڭدەۋ ءۇشىن جەرگىلىكتى ءسۇت وڭدەۋ زاۋىتىنا جىبەرىلەدى.
كاسىپورىن مال ازىعى جانە كارتوپ وسىرۋمەن اينالىسادى. ۆيتسە-پرەمەر كوكونىس قويماسى بازاسىندا وڭىردەگى ءىرى فەرمەرلەرمەن كەزدەستى. شارۋالاردى 4-5-سىنىپتى استىقتى فورۆاردتىق ساتىپ الۋ باعاسى قىزىقتىردى.
ۆيتسە-پرەمەر شارۋالارمەن اڭگىمەلەسۋ كەزىندە قازىردىڭ وزىندە ساتىپ الۋ باعاسى انىقتالعانىن, ازىق-ت ۇلىك كورپوراتسياسى ونى جاقىن كۇندەرى جاريالايتىنىن جەتكىزدى. اتاپ ايتقاندا, دانىندە 21-22% اقۋىزى بار 4-سىنىپ ءۇشىن تونناسىنا 75 مىڭ تەڭگە دەڭگەيىندە باعا قالىپتاستىرىلدى.
سونداي-اق كەزدەسۋدە س.جۇمانعارين شارۋالارعا بيىل 3 ملن تونناعا جۋىق استىق جونەلتۋ جوسپارلانعان قىتايعا استىق ەكسپورتتاۋدىڭ ۇلكەن الەۋەتى تۋرالى مالىمدەدى. سونىمەن قاتار ول مال شارۋاشىلىعىن دامىتۋدى قولداۋدىڭ الداعى مەملەكەتتىك باعدارلاماسى تۋرالى توقتالىپ, بۇل باعىتتا كاسىپكەرلىكتى دامىتۋعا كوڭىل بولۋگە شاقىردى.
ء«بىز كەلەسى جىلى مال شارۋاشىلىعىن مەملەكەتتىك قولداۋدىڭ اۋقىمدى باعدارلاماسىن ىسكە قوسۋدى, ءبىرىنشى كەزەكتە, اۋستراليالىق ادىسپەن جۇزەگە اسىرىلاتىن جوبالاردى قولداۋدى جوسپارلاپ وتىرمىز. بۇل رەتتە سۋارمالى ەگىن شارۋاشىلىعىن دامىتۋعا دا قولداۋ كورسەتەمىز. سونىمەن قاتار ەرتىس وزەنى مەن ق.ساتباەۆ اتىنداعى كانالدىڭ الەۋەتى پاۆلودار وبلىسىندا 200 مىڭ گەكتارعا جۋىق جەردى سۋارمالى القاپقا اينالدىرۋ جوبالارىن ىسكە اسىرۋعا مۇمكىندىك بەرەدى. وتاندىق جاڭبىرلاتىپ سۋاراتىن قوندىرعىلار ءوندىرىسىنىڭ بولۋىن جانە مال شارۋاشىلىعىن دامىتۋ جونىندەگى بولاشاق جوبالاردى ەسكەرە وتىرىپ, ءبىز وڭىرلەرگە مەملەكەت جەڭىلدەتىلگەن نەسيە بەرۋ ارقىلى قولداۋ كورسەتەتىن, سۋارمالى جەرلەردى دامىتۋ جونىندەگى باعدارلامانى ازىرلەۋدى ۇسىندىق», دەپ اتاپ ءوتتى س.جۇمانعارين.
سونداي-اق ۆيتسە-پرەمەر Lactalis Kazakhstan (فۋدماستەر) كومپانيالار توبىنا كىرەتىن ء«سۇت» اق ءسۇت وڭدەۋ زاۋىتىندا بولدى. زاۋىت 220 ادامدى جۇمىسپەن قامتاماسىز ەتىپ, تاۋلىگىنە وڭدەۋگە 200 توننا ءسۇت قابىلداپ وتىر. مۇندا ءسۇت, ايران, ماي جانە باسقا دا ونىمدەر شىعارىلادى. شيكىزات «كيروۆ» جشس-نىڭ جەكە تاۋارلى-ءسۇت فەرماسىنان, وبلىستاعى باسقا دا ءىرى تاۋارلى-ءسۇت فەرمالارىنان الىنادى.
سونىمەن بىرگە ۆيتسە-پرەمەر قازاقستانداعى تانىمال پرەميۋم-كلاستى كەسپە وندىرەتىن «كەممي GROUP» جشس قىزمەتىمەن تانىستى.
