ماروككو مەن الجير سۋ استىندا قالدى. تابيعاتتىڭ توسىن قۇبىلىسىنان مىڭداعان ادام زارداپ شەگىپ, جۇزدەگەن قۇرىلىس نىسانى قيرادى. قۇتقارۋ تەحنيكالارى دا ىسكە جاراماي بالشىققا باتىپ كەتكەن. سينوپتيكتەردىڭ ايتۋىنشا, كليماتتىڭ بۇلاي قۇبىلۋى الداعى ەكى-ءۇش ايداعى اۋا رايىنا دا اسەر ەتەدى.
Tesla-نىڭ تەمىر تۇلپارى
جۇرگىزۋشىسى جوق كولىكپەن قاتىنايتىن كۇن دە الىس ەمەس. يلون ماسك Tesla كومپانياسىنىڭ Cybercab روبوتتاكسيى مەن Robovan روبوفۋرگونىن تانىستىردى.
جاڭا مودەلدەر تولىقتاي اۆتونومدى, جۇرگىزۋشىسىز باسقارىلادى. ەكى كولىكتىڭ دە ەسىكتەرى جوعارى قاراي اشىلادى. Cybercab روبوتتاكسيى ەكى جولاۋشىعا ارنالعان. سونداي-اق ونىڭ ءرۋلى مەن پەدالى جوق. 20 ادام سىياتىن Robovan ميكرواۆتوبۋسى دا ءدال سولاي جاسالعان. بىراق سىمسىز قۋاتتاۋ جۇيەسىمەن جابدىقتالعان ءارى ونى جۇك تاسىمالداۋعا پايدالانۋعا بولادى. يلون ماسكتىڭ ايتۋىنشا, روبوتتاكسي 2025 جىلعا قاراي تەحاس پەن كاليفورنيادا قاتىناي باستايدى.
جەتى رەت جاسىن تۇسكەن
اقش-تىڭ ۆيردجينيا شتاتىندا تۇرعان روي سالليۆانعا جەتى رەت نايزاعاي ءتۇسىپ, ءتىرى قالعان.
عالىمداردىڭ ايتۋىنشا, ادامعا نايزاعاي ءتۇسۋ ىقتيمالدىلىعى وتە تومەن. تۇسكەن جاعدايدا ادام ءتىل تارتپاي كەتەدى. ال رويدىڭ جانى ءسىرى سەكىلدى. ول وسى وقيعادان كەيىن گيننەستىڭ رەكوردتار كىتابىنا دا ەنگەن. بۇل ستاتيستيكالىق تۇرعىدان مۇمكىن ەمەس كورىنگەنىمەن, دارىگەرلەر ونىڭ جانىن امان الىپ قالعان. ءتىپتى ونى «نايزاعاي تارتاتىن ادام» دەپ اتاعان. ءومىردىڭ پارادوكسكە تولى ەكەنىن رويدىڭ عۇمىرى دالەلدەي تۇسەتىندەي. نايزاعاي الماعان جانىن ول 71 جاسىندا ءوز قولىمەن قيعان دەسەدى.
