فوتو: arnapress.kz
وبلىستىق توتەنشە جاعدايلار دەپارتامەنتىنىڭ حابارلاۋىنشا, قازا تاپقان بالالار 2016, 2018, 2019, 2022, 2023 جىلى تۋعان. ۇيدە قاراۋسىز قالعان بالالاردىڭ ىشىندە 2011 جىلى تۋعان ءجاسوسپىرىم عانا امان قالعان.
«بۇگىن ساعات 04:29-دا جىتىقارا قالاسىنداعى جەكە شارۋا قوجالىعىنىڭ اۋماعىندا ءورت شىعىپ, سالدارىنان تۇرعىن ءۇيدىڭ شاتىرى وپىرىلىپ ءتۇستى. قۇتقارۋشىلار وقيعا ورنىنا 7 مينۋت ىشىندە جەتتى, ءۇي تولىعىمەن ورتكە وراندى. جالىن ساعات 06:08-دە اۋىزدىقتالىپ, تولىعىمەن ءسوندىرىلدى. الدىن الا مالىمەت بويىنشا, بالالاردىڭ اناسى كەشكىسىن تانىسىنا كەتكەن. كۇيەۋى تۇرمەدە وتىر», دەلىنگەن وبلىستىق تجد حابارلاماسىندا.
وبلىستىق پروكۋراتۋرا ءورت پەشتىڭ اشىق قالۋىنان بولۋى مۇمكىن ەكەنىن مالىمدەدى. ال جەرگىلىكتى اتقارۋشى ورگان مارقۇمداردىڭ تۋىستارىنا قاجەتتى كومەك كورسەتىلەتىنىن جەتكىزدى.
تجد ماماندارى ءورتتىڭ ناقتى سەبەبىن انىقتاۋ ءۇشىن ءورت-تەحنيكالىق زەرتتەۋ جۇرگىزەدى.
