فوتو:سۋ رەسۋرستارى جانە يرريگاتسيا مينيسترلىگى
ونىڭ ىشىندە شىنجىر تاباندى تەحنيكا, ەكسكوۆاتورلار, اۋىر جۇك كولىكتەرى مەن تراكتورلار بار. بۇدان بولەك, جاڭادان 8 جەر سنارياد الىنادى. بۇل - سۋ قويماسىنىڭ ءتۇبىن ءتۇرلى شوگىندىلەردەن تازارتۋعا ارنالعان كەمەلەر. ارنايى تەحنيكا كانالداردىڭ سۋ وتكىزۋ قابىلەتىن ارتتىرۋعا, سۋ قويمالارىنىڭ ەكولوگيالىق جاعدايىن جاقسارتۋعا جانە قوسىمشا بوس ورىن ەسەبىنەن سۋ ساقتاۋ كولەمىن ۇلعايتۋعا مۇمكىندىك بەرەدى.
ايتا كەتۋ كەرەك, اۋقىمدى تەحنيكانى جاڭارتۋ جۇمىسى سۋ رەسۋرستارى جانە يرريگاتسيا مينيسترلىگى مەن ونەركاسىپتى دامىتۋ قورىنىڭ بىرلەسكەن جوباسى اياسىندا جۇزەگە اسىرىلىپ جاتىر. مينيسترلىك الداعى بىرنەشە جىلدا سۋ شارۋاشىلىعى تەحنيكالارىنىڭ 65-70%-ىن جاڭارتۋعا نيەتتى.
«جاڭا تەحنيكالار كوكتەمگى جۇمىستار باستالماي تۇرىپ ايماقتارعا جەتكىزىلۋى كەرەك. كەلەسى جىلى 8 جەر سنارياد تۇگەل جۇمىس ىستەۋى ءتيىس. ول ءۇشىن بارلىق فيليالدار بۇگىننەن باستاپ مامان داريالاۋى قاجەت. جاڭا تەحنيكالاردى پايدالانۋ بويىنشا الدىن-الا جوسپار ازىرلەپ, ناقتى ناتيجەگە جۇمىس جاساعان ءجون», دەدى سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆ.
