فوتو: ۆيدەوكرين. كولىك مينيسترلىگى
كولىك مينيسترلىگىنىڭ ءمالىم ەتۋىنشە قازاقستان ماماندارىنىڭ اتالعان ءىس-شاراعا قاتىسۋى جولشىلاردىڭ حالىقارالىق كاسىبي قوعامداستىعىنا قوسىلعانىمەن تەڭ.
ايتا كەتسەك, اتالعان ءىس-شاراعا قازاقستان العاش رەت قاتىستى. جالپى وعان گەرمانيا, اۆستريا, فرانتسيا, بەلگيا, سلوۆاكيا, چەحيا, ۆەنگريا, سلوۆەنيا, قازاقستان ەلدەرىنەن 26 توپ قاتىسقان. ەلىمىزدەن قاتىسقاندار: «استانا تازالىق» جشس, «وپەراتسيالار جانە ينۆەستيتسيالار» ءۇاااج جشس جانە «قاجسەرۆيس» جشس, ياعني 3 توپ.
اتالعان چەمپيونات ەكى جىلدا ءبىر رەت وتكىزىلەدى. چەمپيونات تاجىريبە الماسۋعا جانە جولدارعا قىسقى قىزمەت كورسەتۋ سالاسىنداعى ۇزدىك تەحنولوگيالاردى كورسەتۋگە بىردەن-ءبىر مۇمكىندىك بەرەدى.
«بارلىق قاتىسۋشىلار دايىندىق پەن كاسىبيلىكتىڭ جوعارى دەڭگەيىن راستايتىن ديپلومدار الدى. بۇل قۇندى تاجىريبە قازاقستانداعى جولداردى قىسقى كۇتىپ-ۇستاۋدى جەتىلدىرۋ ءۇشىن پايدالانىلاتىنى ءسوزسىز», دەپ مالىمدەدى قازاقستان دەلەگاتسياسىنىڭ مۇشەسى, PIARC دۇنيەجۇزىلىك جول قاۋىمداستىعىنىڭ ۇلتتىق كوميتەتىنىڭ اتقارۋشى ديرەكتورى دميتري بەسسونوۆ.
