پاۆلوداردا شاحماتتان حالىقارالىق تۋرنير ءوتىپ جاتىر

پاۆلودار. 28 قاڭتار. «پاۆلودار وبلىسى اكىمىنىڭ كۋبوگى ءۇشىن» شاحماتتان حالىقارالىق تۋرنير وتۋدە. بۇل تۋرالى egemen.kz ءتىلشىسى حابارلادى. ءتۋرنيردى وبلىس اكىمدىگى, دەنە تاربيەسى جانە سپورت باسقارماسى, وبلىستىق شاحمات فەدەراتسياسى ۇيىمداستىرىپتى. رەسەي, بەلورۋس, اۆستراليا, مىسىر, اقش جانە ءوز ەلىمىزدەن حالىقارالىق دارەجەدەگى گروسسمەيستەرلەر, ءار جىلدارداعى چەمپيوندار كەلدى. جارىسقا ءار ءتۇرلى جاستاعى شاحماتشىلار قاتىسۋدا. ولاردىڭ قاتارىندا الەكساندر حاليفمان, امەريكانىڭ ءتورت مارتە چەمپيونى حۋليو گراندا زۋنيگا, الەكسەي الەكساندروۆ, افريكا وليمپيادا ويىندارىنىڭ ءۇش مارتە چەمپيونى, احمەد ادلي بار. ال ەلىمىزدىڭ نامىسىن حالىقارالىق گروسسمەيستەرلەر, ازيانىڭ ءتورت مارتە چەمپيونى ەۆگەني ۆلاديميروۆ, ازيانىڭ ءتورت مارتە چەمپيونى, پاۆلودارلىق پاۆەل كوتسۋر, ازيانىڭ ءۇش مارتە چەمپيونى پەتر كوستەنكو, حالىقارالىق گروسسمەيستەر, ازيانىڭ ءۇش مارتە چەمپيونى ءانۋار ىسماعامەتوۆ, ازيانىڭ ءۇش مارتە چەمپيونى رينات جۇماباەۆ قورعايدى. قازىر مىسىرلىق ادلي احمەت پەن قازاقستاندىق شاحماتشى پەتر كوستەنكو 2,5 ۇپاي جيناپ, كوش باستاپ تۇر. تۋرنير 9 تۋردان تۇراتىن اينالما جۇيە بويىنشا وتۋدە. باقىلاۋ ۋاقىتى: ءبىرىنشى جۇرىستەن باستاپ ءار ءجۇرىس ءۇشىن 10 سەكۋند قوسىمشا ۋاقىتپەن پارتيا اياعىنا دەيىن - 15 مينۋت. جارىس حالىقارالىق شاحمات فەدەراتسياسىنىڭ ەرەجەسى بويىنشا وتكىزىلۋدە. ءتۋرنيردىڭ جۇلدە قورى 3 ميلليون تەڭگە. جارىس 30 قاڭتارعا دەيىن جالعاسپاق. فاريدا بىقاي. دەرەك: egemen.kz. سۋرەت: egemen.kz.