قازاقستاننىڭ ەڭبەك سىڭىرگەن قايراتكەرى, «وتان», «قۇرمەت» وردەندەرىنىڭ يەگەرى, باتىس قازاقستان وبلىسىنىڭ قۇرمەتتى ازاماتى اقۇشتاپ باقتىگەرەيقىزىنىڭ 80 جىلدىق مەرەيتويى وڭىردە كەشەندى شارالار اياسىندا ءوتىپ جاتىر.
«بۇگىنگى ءمۇشايرا اق جايىقتىڭ اق شاعالاسى اتانعان اقۇشتاپ اپامىزدىڭ شىعارماشىلىعىن جان-جاقتى ناسيحاتتاۋ, كىتاپ وقۋ مادەنيەتىن قالىپتاستىرۋ ماقساتىنداۇيىمداستىرىلعان ەدى. مۇشايراعا وننىڭ ۇستىندە اقىن قىزداردىڭ ولەڭى ءتۇستى. سونىڭ ىشىنەن ءتورت اقىندى ىرىكتەپ, فينالدىق كەزەڭگە شىعاردىق», دەيدى قازىلار القاسىنىڭ توراعاسى, قازاقستان رەسپۋبليكاسىپرەزيدەنتى جانىنداعى ۇلتتىق قۇرىلتايدىڭ مۇشەسى, جازۋشى, «ورال ءوڭىرى» گازەتىنىڭ باس رەداكتورى, قازاقستان جازۋشىلار وداعىنىڭ باتىس قازاقستان وبلىسىنداعى وكىلى باۋىرجان عۇبايدۋللين.
جىر جارىسىن وتكىزۋگە وبلىستىق قوعامدىق دامۋ باسقارماسى, وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسى قولداۋ بىلدىرسە, ۇيىمداستىرۋ جۇمىستارىن قادىر مىرزا ءالى اتىنداعى مادەنيەت جانە ونەر ورتالىعى, «تەمىر بۇركىت» جاستار قوعامدىق بىرلەستىگى, قازاقستان جازۋشىلار وداعىنىڭ باتىس قازاقستان وبلىسىنداعى وكىلدىگى اتقارعان.
اقىندار ساحناعا شىعىپ, اۋەلى مەرەيتوي يەسىنە ارنالعان شىعارمالارىن, سوسىن ءوز تاڭداۋى بويىنشا ءبىر ولەڭ وقىپ بەردى. قازىلار القاسىنىڭ شەشىمىمەن ورالدىق اقىن قىز جانەركە عينايات ءمۇشايرانىڭ جەڭىمپازى اتاندى. ەكىنشى ورىندى ايزادا باقىتجانوۆا يەلەنسە, قاراتوبە اۋدانىنىڭ اتىنان شىققان گ ۇلىم بولاتجانوۆا مەن بوكەي ورداسىنان كەلگەن گۇلزادا جاۋلىباەۆا ءۇشىنشى ورىندى ءبولىستى. جەڭىمپازداردىڭ بارىنە اقشالاي سىيلىق سەرتيفيكاتى بەرىلدى.
كەشتە قازاقستان جازۋشىلار وداعىنىڭ مۇشەلەرى, اقىن ەرتاي بيمۇحانوۆ پەن مارلەن عيلىمحان دا ساحناعا شىعىپ, جاڭا ولەڭدەرىن ورتاعا سالدى.
وڭىردە اقۇشتاپ باقتىگەرەەۆانىڭ 80 جاس مەرەيتويىنا وراي سالتاناتتى ءىس-شارالار شوعىرى جالعاسىپ. 10 قازان كۇنى تەرەكتى اۋدانىنا قاراستى اقجايىق اۋىلىندا, اقىننىڭ تۋعان جەرىندە ادەبيەتشىلەر ءۇيى اشىلسا, اۋدان ورتالىعىتەرەكتى اۋىلىندا «اق جايىققا جىر ارناعىم كەلەدى» اتتى شىعارماشىلىق كەش ءوتتءى.
باتىس قازاقستان وبلىسى
