فوتو: polisia.kz
مينيسترلىك ماماندارى تاركىلەگەن ەسىرتكىنىڭ جالپى سالماعى 250 كەلىدەن اسقان.
ونىڭ ىشىندە ەسىرتكى ساتۋدىڭ - 29, اسا ءىرى مولشەردە ساقتاۋدىڭ - 7, كونتراباندا جانە قۇرامىندا ەسىرتكى بار وسىمدىكتەردى ءوسىرۋدىڭ 7 وقيعاسى تىركەلگەن.
ەسىركىمەن كۇرەس شارالارى بارىسىندا الماتى وبلىسىندا ەسىرتكى زەرتحاناسى انىقتالىپ, 35 جاستاعى ەر ادام ۇستالعان.
ەكىباستۇزدا دا سينتەتيكالىق ەسىرتكى وندىرەتىن زەرتحانا جويىلعان. ەكى جەرگىلىكتى تۇرعىن كۋرەرلەردى تارتا وتىرىپ, ەسىرتكىنى ينتەرنەت ارقىلى ساتۋدى جوسپارلاعان.
«ال استانادا ەسىرتكىنى جارنامالايتىن QR-كودتارى بار ستيكەرلەردى جاپسىرۋمەن اينالىسقان 27 جاستاعى ايەل ۇستالدى. اقمولا وبلىسىندا ەسىرتكىنى ءوز ۇيىندە جانە جالعا الىنعان جەرتولەدە ساقتاعان 54 جاستاعى ەر ادامنىڭ دا زاڭسىز ارەكەتىنە توسقاۋىل قويىلدى. ودان 34 كگ ماريحۋانا جانە 2 كگ گاشيش تاركىلەندى. اتىراۋدا 38 جاستاعى ەر ادام مەن 28 جاستاعى ايەل ۇستالدى. ولاردان سينتەتيكالىق ەسىرتكى سالىنعان 81 ورام تابىلدى. قوستاناي وبلىسىندا 25 سينتەتيكا ورامى بار 16 جاستاعى ستۋدەنت ۇستالدى», دەدى ىىم رەسمي وكىلى شىڭعىس الەكەشەۆ.
