فوتو: ن.بايبۋلين
سەناتتىڭ ءباسپاسوز قىزمەتىنىڭ ءمالىم ەتۋىنشە, كەزدەسۋ بارىسىندا ماۋلەن اشىمباەۆ دۇنيەجۇزىلىك يسلام ليگاسى سەزد ماقساتتارىنا قول جەتكىزۋگە ەلەۋلى ۇلەس قوسقانىن اتاپ ءوتىپ, مەيمانعا حاتشىلىقتىڭ XXII وتىرىسىنا قاتىسقانى ءۇشىن ريزاشىلىعىن ءبىلدىردى. سونداي-اق ول دۇنيەجۇزىلىك يسلام ليگاسىنىڭ باس حاتشىسى دوكتور مۇحاممەد بەن ابدەل كاريم ءال-يسانىڭ الەمدىك جانە ءداستۇرلى دىندەر ليدەرلەرىنىڭ VII سەزىندە سويلەگەن ءسوزى فورۋمنىڭ بەدەلىن ارتتىرا تۇسكەنىن تىلگە تيەك ەتتى.
سونىمەن قاتار تاراپتار سەزدى دامىتۋدىڭ 2023-2033 جىلدارعا ارنالعان تۇجىرىمداماسىن ىسكە اسىرۋ اياسىنداعى مىندەتتەرگە توقتالدى. اتاپ ايتقاندا, قۇجات اياسىنداعى بىرلەسكەن جۇمىستىڭ باسىم باعىتتارى جانە كەلەسى جىلى «دىندەر ديالوگى: بولاشاق جولىنداعى سينەرگيا» تاقىرىبىمەن وتەتىن VIII سەزگە قاتىستى ماسەلەلەر ءسوز بولدى.
ءوز كەزەگىندە مارتەبەلى مەيمان سەزد حاتشىلىعىنىڭ باسشىسى ماۋلەن اشىمباەۆقا اۋقىمدى ءىس-شاراعا شاقىرعانى ءۇشىن العىس ءبىلدىرىپ, فورۋمنىڭ الەمدىك قوعامداستىقتاعى ماڭىزى زور ەكەنىن ايتتى. ودان بولەك, دۇنيەجۇزىلىك يسلام ليگاسىنىڭ ارنايى وكىلى الەمدە بەيبىتشىلىكتى, قاۋىپسىزدىك پەن تۇراقتىلىقتى قامتاماسىز ەتۋ جولىنداعى ءوزارا ءىس-قيمىلدى نىعايتۋعا مۇددەلى ەكەنىن تانىتتى.
