استانا. 28 قاڭتار. ەۆروچەللەندج ءتۋرنيرى اياسىندا «استانا» باسكەتبول كومانداسى بەلگيالىق «وكاپي الستارعا» 108:85 ەسەبىمەن جول بەردى. بۇل تۋرالى egemen.kz حابارلادى.
بەلگيادا وتكەن ويىندا الاڭ يەلەرى ءتورت كەزەڭدە دە باسىم بولدى. العاشقى شيرەكتە «استانا» ساپىنداعى دجەرري دجونسون, دجەيكوۆان براۋن سىندى ويىنشىلار بەلسەندى بولعانىمەن, قارسىلاستار 28:22 ەسەبىمەن كەزەڭدى ءوز پايدالارىنا اياقتادى.
ەسەسىنە, ەكىنشى كەزەڭدە ءبىزدىڭ سپورتشىلار بەلگيالىقتارعا لايىقتى قارسىلىق كورسەتتى. سوعان سايكەس, بۇل شيرەكتە «استانا» قارسىلاستارىنان نەبارى ءبىر ۇپاي قالىپ قويدى (20:19). دەگەنمەن, قوس كەزەڭ قورىتىندىسى بويىنشا «وكاپي الستار» 48:41 ەسەبىمەن ۇتىپ جاتقان ەدى.
ۇلكەن ۇزىلىستەن كەيىن قارسىلاسىمىز قارقىنىن كۇشەيتىپ, كەزەڭ سوڭىندا 16 ۇپايعا ۇزاپ كەتتى (79:63). شەشۋشى شيرەكتە «استانانىڭ» باس باپكەرى الەكساندر تريفۋنوۆيچ ويىندى قۇتقارىپ قالۋ ماقساتىندا ءارتۇرلى تاكتيكالىق تاسىلدەردى قولدانىپ كوردى. اسىرەسە, دجەرري دجونسونعا كوپ سەنىم ارتىلدى. سەبەبى, ول بۇعان دەيىن بەلگيانىڭ «چارلەر» كومانداسىندا ويناعان بولاتىن. ياعني, بۇرىن «وكاپي الستارعا» قارسى سان مارتە ويناپ, اتالعان كوماندانىڭ ويىن ورنەگىنە ابدەن قانىق. الايدا, دجەرريدىڭ ارەكەتتەرى ەش ناتيجە بەرمەي, الاڭ يەلەرى ايقىن باسىمدىقپەن جەڭىسكە جەتتى.
ويىن بارىسىندا ەڭ كوپ ۇپاي جيعان ويىنشى بەلگيالىق كوماندا ساپىنداعى لوانا توفي. ول 40 مينۋت ىشىندە ەنشىسىنە 27 ۇپاي جازعان ەكەن. ال «استانا» ساپىنداعى ەڭ مەرگەن ويىنشى 16 ۇپاي جيعان راشيد ماحالباشيچ.
بۇل جەڭىسىنەن كەيىن «وكاپي الستار» 5 ۇپايمەن «ءى» توبىندا كوش باستادى. ءتورت ۇپايى بار «استانا» ازىرگە ەكىنشى ورىندا كەلەدى. دەگەنمەن, 3 جانە 4-ورىنداردا تۇرعان رۋمىنيالىق «ەنەرگيا روۆيناري» مەن يتاليالىق «برينديزي» كوماندالارىندا بىزدەن ءبىر ويىن كەم. ەكى ويىننان وتكىزگەن ولاردىڭ قورجىندارىندا بۇگىندە 3 ۇپايدان بار.
«استانا» اتالمىش تۋرنير اياسىنداعى كەلەسى ويىندى 10 اقپان كۇنى ءوز الاڭىندا وتكىزەدى. «سارىارقا» رەسپۋبليكالىق ۆەلوترەگىندە وتەتىن سول ويىندا ءبىزدىڭ قارسىلاس «برينديزي» كومانداسى بولماق.
ەلامان قوڭىر.
دەرەك: egemen.kz.
سۋرەت: bcastana.kz.
استانا. 28 قاڭتار. ەۆروچەللەندج ءتۋرنيرى اياسىندا «استانا» باسكەتبول كومانداسى بەلگيالىق «وكاپي الستارعا» 108:85 ەسەبىمەن جول بەردى. بۇل تۋرالى egemen.kz حابارلادى.
بەلگيادا وتكەن ويىندا الاڭ يەلەرى ءتورت كەزەڭدە دە باسىم بولدى. العاشقى شيرەكتە «استانا» ساپىنداعى دجەرري دجونسون, دجەيكوۆان براۋن سىندى ويىنشىلار بەلسەندى بولعانىمەن, قارسىلاستار 28:22 ەسەبىمەن كەزەڭدى ءوز پايدالارىنا اياقتادى.
ەسەسىنە, ەكىنشى كەزەڭدە ءبىزدىڭ سپورتشىلار بەلگيالىقتارعا لايىقتى قارسىلىق كورسەتتى. سوعان سايكەس, بۇل شيرەكتە «استانا» قارسىلاستارىنان نەبارى ءبىر ۇپاي قالىپ قويدى (20:19). دەگەنمەن, قوس كەزەڭ قورىتىندىسى بويىنشا «وكاپي الستار» 48:41 ەسەبىمەن ۇتىپ جاتقان ەدى.
ۇلكەن ۇزىلىستەن كەيىن قارسىلاسىمىز قارقىنىن كۇشەيتىپ, كەزەڭ سوڭىندا 16 ۇپايعا ۇزاپ كەتتى (79:63). شەشۋشى شيرەكتە «استانانىڭ» باس باپكەرى الەكساندر تريفۋنوۆيچ ويىندى قۇتقارىپ قالۋ ماقساتىندا ءارتۇرلى تاكتيكالىق تاسىلدەردى قولدانىپ كوردى. اسىرەسە, دجەرري دجونسونعا كوپ سەنىم ارتىلدى. سەبەبى, ول بۇعان دەيىن بەلگيانىڭ «چارلەر» كومانداسىندا ويناعان بولاتىن. ياعني, بۇرىن «وكاپي الستارعا» قارسى سان مارتە ويناپ, اتالعان كوماندانىڭ ويىن ورنەگىنە ابدەن قانىق. الايدا, دجەرريدىڭ ارەكەتتەرى ەش ناتيجە بەرمەي, الاڭ يەلەرى ايقىن باسىمدىقپەن جەڭىسكە جەتتى.
ويىن بارىسىندا ەڭ كوپ ۇپاي جيعان ويىنشى بەلگيالىق كوماندا ساپىنداعى لوانا توفي. ول 40 مينۋت ىشىندە ەنشىسىنە 27 ۇپاي جازعان ەكەن. ال «استانا» ساپىنداعى ەڭ مەرگەن ويىنشى 16 ۇپاي جيعان راشيد ماحالباشيچ.
بۇل جەڭىسىنەن كەيىن «وكاپي الستار» 5 ۇپايمەن «ءى» توبىندا كوش باستادى. ءتورت ۇپايى بار «استانا» ازىرگە ەكىنشى ورىندا كەلەدى. دەگەنمەن, 3 جانە 4-ورىنداردا تۇرعان رۋمىنيالىق «ەنەرگيا روۆيناري» مەن يتاليالىق «برينديزي» كوماندالارىندا بىزدەن ءبىر ويىن كەم. ەكى ويىننان وتكىزگەن ولاردىڭ قورجىندارىندا بۇگىندە 3 ۇپايدان بار.
«استانا» اتالمىش تۋرنير اياسىنداعى كەلەسى ويىندى 10 اقپان كۇنى ءوز الاڭىندا وتكىزەدى. «سارىارقا» رەسپۋبليكالىق ۆەلوترەگىندە وتەتىن سول ويىندا ءبىزدىڭ قارسىلاس «برينديزي» كومانداسى بولماق.
ەلامان قوڭىر.
دەرەك: egemen.kz.
سۋرەت: bcastana.kz.
