قوستانايدا حالىقارالىق پىكىرسايىس ءوتتى

قوستاناي. 28 قاڭتار. ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىندە قازاق حاندىعى تاقىرىبىنا ارنالعان ءىح حالىقارالىق پىكىرسايىس ءوتتى. وعان رەسپۋبليكاداعى جوعارى وقۋ ورىندارى ستۋدەنتتەرىمەن قاتار, كورشى رەسەيلىك جاستار دا قاتىستى. بۇل تۋرالى egemen.kz ءتىلشىسى حابارلادى. رەكتور جۇلدەسى ءۇشىن قازاق حاندىعىنىڭ 550 جىلدىعىنا ارنالعان دەبات وتە قىزىقتى بولدى. ادەتتە, تاريح تاقىرىبى ءبىلىمدى جاستار ءۇشىن قاشان دا تارتىستى, ءارى ءبىلىم دەڭگەيىن كورسەتۋگە جاقسى مۇمكىندىك تە بولىپ تابىلادى. ۋنيۆەرسيتەت قابىرعاسىندا وتكەن حالىقارالىق سايىس وسى تۇرعىدان العاندا وتە تارتىستى ءوتتى. ءۇش كۇنگە سوزىلعان پىكىرسايىس جەكسەنبى كۇنى كەشتەتىپ, اياقتالدى. ۇيىمداستىرۋشىلارعا ساعات كەشكى 17-00-گە بەلگىلەنگەن سالتاناتتى ماراپاتتاۋ ءراسىمىن كەشكى 19-30-عا جىلجىتۋعا تۋرا كەلدى. ءبىلىم جانە شەشەندىك سايىسىنىڭ قورىتىندىسىندا, قازاق ليگاسى بويىنشا ءبىرىنشى ورىندى استانالىق بەكارىستان امانجولوۆ جانە قاراعاندىلىق اباي وتارباەۆ الدى. ەكىنشى ورىندى كوكشەتاۋ قالاسىنان كەلگەن اسقار كاكەن جانە ادىلەت سەنبى (قازاقستان قۇراماسى) يەلەندى. ءۇشىنشى ورىن تاعى دا استانالىقتار قانجىعاسىنا بايلاندى, ياعني جۇلدىز ءجۇنىسوۆا جانە باۋىرجان اشىرالىگە بەرىلدى. ال ورىس ليگاسى بويىنشا ءبىرىنشى ورىندى استانالىقتار ءمادينا قابدۋاليەۆا جانە ىڭكار ايتقوجينا الدى. ەكىنشى ورىندى دا استانالىقتار – ماكسيم يساكوۆ جانە ارمان ابدرايىموۆ, ال ءۇشىنشى ورىندى كوكشەتاۋلىقتار ديدار قادىروۆ جانە نۇرسۇلتان تولەۋباەۆ يەلەندى. ءنازيرا جارىمبەتوۆا. دەرەك, سۋرەت: egemen.kz.