قايرات جاماليەۆتىڭ ءىرى كولەمدەگى دۇنيە-مۇلكى قاماۋعا قويىلدى

استانا. 28 ءساۋىر. اسا ءىرى كولەمدە بوپسالاۋ بويىنشا ايىپتالعان كاسىپكەر قايرات جاماليەۆتىڭ دۇنيە-مۇلكى سوت شەشىمىمەن قاماۋعا قويىلدى. بۇل تۋرالى قىلمىستىق ءىس بويىنشا اپەللياتسيالىق سوت القاسىنىڭ توراعاسى اسقارجان كەنجەگاريننىڭ سوزىنە سىلتەمە جاساپ, zakon.kz حابارلادى. 2015 جىلدىڭ 25 ساۋىرىندە استانا قالاسى ەسىل اۋدانىنىڭ №2 اۋداندىق سوتى تەرگەۋشىنىڭ ءوتىنىشىن قارادى. وندا قىلمىستىق كودەكستىڭ 194-بابى, 4-ءبولىمى, 2-تارماعى – كۇش قولدانۋ ارقىلى توپ بولىپ بوپسالاۋ بويىنشا ايىپتالعان كۇدىكتى قايرات جاماليەۆتىڭ دۇنيە-مۇلكىنە تىيىم سالۋدى سانكتسيالاۋ تۋرالى ايتىلعان. اتالعان ءوتىنىشتى ەسىل اۋداندىق پروكۋرورى دا قولداعان بولاتىن. بۇل باپتىڭ سانكتسياسى بويىنشا دۇنيە-م ۇلىك تاركىلەنەدى. وسى ىسكە قاتىستى سوتتا: «قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 161-بابى 1-بولىمىنە سايكەس, ازاماتتىق تالاپتى قاناعاتتاندىرۋ ءۇشىن ۇكىمدى ورىنداۋ ماقساتىندا سوتقا دەيىنگى تەرگەۋ جۇرگىزەتىن تۇلعا باسقا دا م ۇلىكتىك ءوندىرىپ الۋ نەمەسە دۇنيە-مۇلكىن تاركىلەۋ ءۇشىن دۇنيە-م ۇلىككە تىيىم سالۋ شاراسىن قولدانۋعا مىندەتتى», – دەپ حابارلاندى. ناتيجەسىندە سوت جاماليەۆتىڭ «Lexus LX 570», «Mercedes Benz S500», Lamborghini Gallardo» ماركالى اۆتوكولىكتەرىن, 821303, ااۆ 81012ۆ تىركەمەلەرىن جانە جىلجىمايتىن م ۇلىكتەرى – استانا قالاسىنداعى پاتەرى مەن تۇرعىن ءۇيىن تۇتقىنعا الۋدى سانكتسيالاۋ بويىنشا قاۋلى شىعاردى. ەگەر كاسىپكەر كىنالى دەپ تانىلسا, بۇل دۇنيە-م ۇلىكتەر تاركىلەنەدى. اپەللياتسيالىق ءتارتىپ بويىنشا بۇل قاۋلى كۇدىكتىنىڭ شاعىمدانۋ مەرزىمى اياقتالعاندا كۇشىنە ەنەدى. ايتا كەتەيىك, تاياۋدا قايرات جاماليەۆتىڭ ۇيىمداستىرۋىمەن ءۇش ادام ءالىبي جۇماعۇلوۆ ەسىمدى جاس جىگىتتى ۇرىپ-سوققانى تۋرالى دەرەكتەر عالامتورعا جاريالانعان بولاتىن. الەۋمەتتىك جەلىلەردە قىزۋ تالقىلانىپ, حالىقتىڭ نازارىن اۋدارعان بۇل ءىستى ەلىمىزدىڭ باس پروكۋرورى مەن ىشكى ىستەر ءمينيسترى ءوز باقىلاۋلارىنا العانى دا بەلگىلى. ەلامان قوڭىر. دەرەك, سۋرەت: zakon.kz.