رەفەرەندۋمدى اتى اڭىزعا اينالعان وپەرا ءانشىسى, مەملەكەتتىك سىيلىقتىڭ لاۋرەاتى بيبىگۇل تولەگەنوۆا دا قولدادى. № 559 داۋىس بەرۋ ۋچاسكەسىنىڭ وكىلدەرى ونىڭ تۇرعىلىقتى جەرىنە بيۋللەتەندەر قورابىن اكەلدى. حالىق ءارتىسى بۇل وقيعانىڭ ماڭىزىن اتاپ ءوتتى. ونىڭ ايتۋىنشا, رەفەرەندۋمعا قاتىسۋ – ءاربىر ازاماتتىڭ جاۋاپكەرشىلىگى.
«مۇنداي شەشىمدەر مۇقيات ويلاۋدى تالاپ ەتەدى, ويتكەنى بۇل قازىرگى جاعدايعا عانا ەمەس, ۇرپاعىمىزدىڭ بولاشاعىنا دا اسەر ەتەدى. مەن مەملەكەت ءۇشىن ماڭىزدى ماسەلەدە ءوز داۋسىمدى بەرگەنىمدى ماقتان تۇتامىن», دەدى بيبىگۇل احمەتقىزى.
مەگاپوليستە العاشقىلاردىڭ ءبىرى بولىپ ءوزىنىڭ تاڭداۋ قۇقىعىن قوعام قايراتكەرى اسىلى وسمان دا پايدالانىپ, الماتى مۋزىكالىق كوللەدجىنىڭ №64 ۋچاسكەسىندە داۋىس بەردى.
پاريجدەگى ءحححىىى جازعى وليمپيا ويىندارىنىڭ بوكستان قولا جۇلدەگەرى نازىم قىزايباي دا رەفەرەندۋمعا قاتىستى. اتاقتى سپورتشى ءوزىنىڭ ازاماتتىق مىندەتىن العاشقىلاردىڭ ءبىرى بولىپ ورىندادى.
كينو جانە تەاتر اكتريساسى, تەلەجۇرگىزۋشى قاراگوز سۇلەيمەنوۆا دا رەفەرەندۋمعا قاتىستى. ءارتىس №77 ورتا مەكتەپتەگى №414 داۋىس بەرۋ ۋچاسكەسىندە داۋىس بەردى.
«ارقايسىمىز وسىنداي ءىس-شارالارعا قاتىسۋىمىز كەرەك. ويتكەنى ولار بالالارىمىزدىڭ بولاشاعىنا اسەر ەتەدى. رەفەرەندۋم ءوز پىكىرىن ءبىلدىرىپ, ءوز تاڭداۋىن جاساۋعا مۇمكىندىك بەرەدى», دەدى ق.سۇلەيمەنوۆا.
الماتىدا رەفەرەندۋمعا 50 جىلدىعىن تويلايتىن جۇپ قاتىستى. التىن تويىن اتاپ ءوتىپ جاتقان نۇرعالي قاناەۆ پەن ورىنشا بەردەنوۆا جەتىسۋ اۋدانىنداعى №349 ۋچاسكەدە ءوز قۇقىعىن پايدالاندى. مەرەيتوي يەلەرى نەمەرەلەرىنىڭ بولاشاعىن ەلدىڭ جان-جاقتى تۇراقتىلىعىمەن بايلانىستىرادى.
داۋىس بەرۋگە ەكىنشى دۇنيەجۇزىلىك سوعىسىنىڭ ارداگەرلەرى دە قاتىستى. ولاردىڭ اراسىندا عاسىر جاساعان مايدانگەر, II دارەجەلى ۇلى وتان سوعىسى وردەنىنىڭ يەگەرى جانە «جاۋىنگەرلىك ەرلىگى ءۇشىن» مەدالىنىڭ يەگەرى ۆيكتور يزيۋمنيكوۆ تە بار. ۆيكتور كارپوۆيچتىڭ ايتۋىنشا, ازاماتتىق ۇستانىمنىڭ ءجونى بولەك.
«مەن ءجۇز جاسقا تولدىم, ءوز ومىرىمدە كوپ نارسە باستان كەشىردىم. ارينە, جاستاردىڭ تاعدىرىنا نەمقۇرايدى قارامايمىن, سوندىقتان دا مەن بارلىعىنان رەفەرەندۋمعا قاتىسىپ, ءوزىنىڭ ازاماتتىق جاۋاپكەرشىلىگىن كورسەتۋگە شاقىرامىن», دەيدى ارداگەر.
الماتى
