قىزدار سايلاۋ ۋچاسكەلەرىنە ءتاج كيىپ, لەنتاسىن تاعىپ كەلدى. ولار رەفەرەندۋمنىڭ ماڭىزدىلىعىن اتاپ ءوتىپ, ۇستانىمىن ءبىلدىرۋ ازاماتتىق جاۋاپكەرشىلىكتىڭ ماڭىزدى بولىگى ەكەنىن ايتتى.
«بۇگىن قابىلداعان ءاربىر شەشىمىمىز بولاشاعىمىزعا اسەر ەتەتىنىنە سەنەمىن. جاس بۋىن وكىلى رەتىندە ەلىمىزدىڭ بولاشاعىنا قاتىسۋىمىز كەرەك دەپ ويلايمىن. رەفەرەندۋم قوعامدى جاقسىلىققا ۇمتىلۋدا بىرىكتىرەتىن ماڭىزدى وقيعاعا اينالدى», دەدى ءسابينا ىدىرىسوۆا №295 ۋچاسكەدە داۋىس بەرگەننەن كەيىن.
ال كەلەسى ارۋىمىز ەلدانا ءالمۇحانوۆا الەمدى ارالاپ, سۇلۋلىق بايقاۋلارىنا قاتىسقان كەزدە ءتۇرلى ەلدەردىڭ ماسەلەنى قالاي شەشەتىنىن كوزبەن كورگەنىن, قازىر بولاشاعىمىزعا اسەر ەتۋگە مۇمكىندىك بار ەكەنىن ايتتى.
«رەفەرەندۋم – ازاماتتىق بورىشىمىزدى كورسەتۋدىڭ مۇمكىندىگى. ءبىز سۇلۋلىق بايقاۋلارىنا قاتىسۋشىلار رەتىندە ەلدەگى بارلىق ازاماتتىڭ ءومىرىن جاقسارتۋعا جانە قازاقستاننىڭ بولاشاعىنا وڭ وزگەرىستەر ەنگىزۋگە ىقپال ەتەتىن باستامالاردى قولدايمىز», دەپ سانايدى ەلدانا ساۋرانباەۆا.
ەسكە سالا كەتەيىك, بۇگىن قازاقستاندا اەس سالۋ جونىندەگى رەسپۋبليكالىق رەفەرەندۋم ءوتىپ جاتىر. قالا باسشىسى ەربولات دوساەۆ زايىبىمەن بىرگە №388 مەكتەپ-ليتسەيىندەگى داۋىس بەرۋ ۋچاسكەسىنە العاشقىلاردىڭ ءبىرى بولىپ كەلىپ, داۋىس بەردى. الماتى تۇرعىندارى ءوز ۋچاسكەلەرىنە بارىپ, ساعات 20:00-گە دەيىن داۋىس بەرە الادى.
