استانا. 28 ءساۋىر. اقش-تىڭ اتاقتى CNN تەلەارناسىنىڭ ءتۇسىرۋ توبى 2022 جىلعى قىسقى وليمپيادانى وتكىزۋدەن ءۇمىتتى الماتى قالاسى تۋرالى ارنايى باعدارلاما دايىنداۋ ءۇشىن قازاقستانعا كەلدى. شەتەلدىك تەلەارنانىڭ ءتۇسىرۋ جۇمىستارىنا بوكستان الەم جانە ازيا ويىندارىنىڭ چەمپيونى جانىبەك ءالىمحان ۇلى (75 كگ.) كەيىپكەر رەتىندە ارنايى قاتىستى. بۇل تۋرالى قازاقستان بوكس فەدەراتسياسىنىڭ رەسمي سايتى kfb.kz حابارلادى.
ءتۇسىرۋ كەزىندە جانىبەك قازاقستاننىڭ بوكس مەكتەبى مەن قازاق سپورتى تۋرالى ايتتى. سونداي-اق, ول الماتىنىڭ بارلىق تالاپتارعا ساي ەكەنىن نازارعا الىپ, 2022 جىلعى وليمپيالىق ويىنداردىڭ قازاق جەرىندە وتەتىنىنەن ءۇمىتتى ەكەنىن جەتكىزدى.
سونىمەن قاتار, امەريكالىقتار جانىبەكتىڭ بوكستاعى جەتىستىكتەرى مەن ونىڭ شەبەرلىگىنە قىزىعۋشىلىق ءبىلدىرلى.
«قازاقستان – كوپتەگەن وليمپيادا جانە الەم چەمپيوندارىن تاربيەلەپ شىعارعان, سپورتتا وزىندىك ۇلەسى بار مەملەكەت. مەملەكەت باسشىسىنىڭ تىكەلەي قولداۋىمەن ەلىمىزدە حالىقتىڭ سپورتپەن شۇعىلدانۋىنا بارلىق جاعداي جاسالعان. مەن ءوز تاراپىمنان بيىل وتەتىن كاتارداعى الەم چەمپيوناتى مەن كەلەسى جىلى ريو-دە-جانەيرودا الاۋى تۇتاناتىن وليمپيادادا جانكۇيەرلەر سەنىمىن اقتاۋ ءۇشىن تەر توگەمىن», – دەدى قازاق بوكسشىسى.
ايتا كەتەيىك, 2022 جىلعى ويىنداردى وتكىزۋدەن الماتىدان بولەك, قىتاي استاناسى – بەيجىڭ قالاسىنىڭ دا ۇمىتكەر ەكەنى بەلگىلى. اتالعان وليمپيادانىڭ استاناسى وسى جىلدىڭ 15 شىلدەسىندە مالايزيادا انىقتالادى.
ەلامان قوڭىر.
دەرەك, سۋرەت: kfb.kz.
