كۇلاش ايتجانوۆا - بالا كەزىنەن ەڭبەك ەتىپ, قاجىرلى ءارى تاباندى بولىپ وسكەن ۇرپاقتىڭ كورنەكتى وكىلى. وڭىرىمىزدە وتەتىن ءار ماڭىزدى ءىس-شارادا بەلسەندى بولىپ, اتسالىسىپ وتىرادى.
«بۇگىن مەن ەلىمنىڭ بولاشاعى ءۇشىن ءوز ۇلەسىمدى قوسقالى وتىرمىن. ءار ادام داۋىس بەرۋگە بەلسەندى قاتىسۋى كەرەك. سەبەبى ءبىز جاڭا قازاقستاندى بىرگە قۇرۋىمىز كەرەك. بۇگىنگى رەفەرەندۋم – وزگەرىستەرگە باستايتىن ماڭىزدى قادام», دەدى كۇلاش اپا.
كۇلاش ايتجانوۆا - 2010 جىلدان باستاپ, «ايتجانوۆا» شارۋا قوجالىعىنىڭ توراعاسى, ول 1971 جىلعى 8 ساۋىردە كسرو جوعارى كەڭەسى پرەزيديۋمىنىڭ جارلىعىمەن اۋىل شارۋاشىلىعى ءوندىرىسىن دامىتۋداعى ەرەكشە جەتىستەكتەرى ءۇشىن «سوتسياليستىك ەڭبەك ەرى» جانە «التىن جۇلدىز» وردەنىمەن, لەنين وردەنىمەن, «قازاقستان رەسپۋبليكاسى كونستيتۋتسياسىنا 10 جىل», «قازاقستان رەسپۋبليكاسى تاۋەلسىزدىگىنە 25 جىل», «قازاقستان رەسپۋبليكاسى كونستيتۋتسياسىنا 25 جىل», «قازاقستان رەسپۋبليكاسى تاۋەلسىزدىگىنە 30 جىل» مەرەكەلىك مەدالدارىمەن ماراپاتتالعان. سونىمەن قاتار «پانفيلوۆ اۋدانىنىڭ قۇرمەتتى ازاماتى» اتاعىنىڭ يەگەرى.
