فوتو: قر ۇلتتىق ۇلانى «باتىس» وڭىرلىك قولباسشىلىعىنىڭ ءباسپاسوز قىزمەتىنەن
ۇلان ساربازدارى ەرتەمەن جاۋىنگەرلىك قىزمەتكە اتتاناتىن بولعاندىقتان, №479 داۋىس بەرۋ ۋچاسكەسى تاڭعى ساعات 06:00-دە اشىلدى. داۋىس بەرۋ ورنىنا العاشقىلاردىڭ ءبىرى بولىپ قازاقستان رەسپۋبليكاسى ۇلتتىق ۇلانى «باتىس» وڭىرلىك قولباسشى گەنەرال-مايور بەكايدار قازكەەۆ جانە 5517 اسكەري ءبولىم كومانديرى پودپولكوۆنيك ءومىرجان ساحاتوۆ كەلىپ داۋىس بەردى.
«اسكەري ءبولىم اۋماعىندا ورنالاسقان №479 داۋىس بەرۋ ۋچاسكەسى تاڭعى ساعات 06:00-دا ءوز جۇمىسىن باستاپ كەتتى. مۇنداعى داۋىس بەرۋ ءتارتىبى بارلىق تالاپقا ساي ءوتىپ جاتىر. قازاقستان رەسپۋبليكاسىنىڭ ازاماتى رەتىندە مەملەكەتتىك ماڭىزدى ماسەلەگە قاتىستى مەن دە ءوز داۋسىمدى بەرىپ, ەلىمىزدىڭ بولاشاعى ءۇشىن تاڭداۋ جاسادىم», دەدى پودپولكوۆنيك ءومىرجان ساحاتوۆ.
قازىرگى تاڭدا قازاقستان رەسپۋبليكاسى ۇلتتىق ۇلانىنىڭ «باتىس» وڭىرلىك قولباسشىلىعى بويىنشا 4 داۋىس بەرۋ ۋچاسكەسى تاڭعى ساعات 06.00-دەن باستاپ جۇمىس ىستەپ تۇر. ول ۋچاسكەلەردە مەرزىمدىك اسكەري قىزمەتشىلەرمەن قاتار وفيتسەرلەر مەن سەرجانتتار دا داۋىس بەرە الادى.
