تاراز. 27 ءساۋىر. مەملەكەت باسشىسىنىڭ پرەزيدەنتتىك سايلاۋداعى ايقىن جەڭىسى تاراز قالاسىندا دا ايرىقشا قۋانىشپەن اتاپ ءوتىلدى. بۇل تۋرالى egemen.kz ءتىلشىسى حابارلادى.
تاراز قالاسىنىڭ «دوستىق» الاڭىندا وتكەن جەڭىمپازدار فورۋمىندا اۋليەاتا حالقى ءوزىنىڭ پرەزيدەنتىنە دەگەن قولداۋى مەن سەنىمىن ءبىلدىردى. «ءبىر جاعادان باس, ءبىر جەڭنەن قول شىعارىپ», بىرلىگىمىز بەن ىنتىماعىمىزدىڭ جاراستىعىن كورسەتتى.
«مەملەكەت باسشىسى تاۋەلسىزدىكتىڭ 24 جىلىندا ەلىمىزدى زور جەتىستىككە جەتكىزدى. جاڭا ەكونوميكا. ءبىرتۇتاس قوعام. قۋاتتى مەملەكەت. مىنە, بۇلار – ءبىزدىڭ وسى جىلدارداعى تولايىم تابىستارىمىز. ەندى الدىمىزدا ەلباسىمەن بىرگە – جاڭا جەتىستىكتەر تۇر! ۇلى ماقساتتار, ۇلى باستامالاردىڭ ارقاسىندا ەرتەڭگى كۇنىمىزگە سەنىمدى قادامدار جاسايمىز! تاريح تاڭداۋىن شىنايى ىستەرىمىزبەن اقتايمىز», – دەدى جيىندا ءسوز العان جامبىل وبلىسىنىڭ اكىمى كارىم كوكىرەكباەۆ.
راسىمەن بۇل جەڭىس – كوپ ۇلتتى حالقىمىزدىڭ ەلباسىنا دەگەن ىستىق ىقىلاسى, شەكسىز قۇرمەتىنىڭ كورىنىسى. الاڭعا جينالعان جاستار بۇل كۇنى ءان سالىپ, بي بيلەپ, پرەزيدەنتتىڭ ەرەن جەڭىسى – قازاقستاننىڭ كەزەكتى بيىك بەلەسى ەكەنىن ماقتانىشبەن جەتكىزە ءبىلدى.
ورالحان ءداۋىت.
دەرەك: egemen.kz.
سۋرەت: التىنبەك قارتاباي.
