اقمولا وبلىسىندا باسقارما باسشىسى تاعايىندالدى

كوكشەتاۋ. 28 ءساۋىر. اقمولا وبلىسى اكىمىنىڭ وسى جىلدىڭ 27 ساۋىرىندەگى قاۋلىسىمەن ق ۇلىشەۆا گۇلنار ەرجەيقىزى اقمولا وبلىسىنىڭ دەنساۋلىق ساقتاۋ باسقارماسىنىڭ باسشىسى قىزمەتىنە تاعايىندالدى. بۇل تۋرالى egemen.kz حابارلادى. گۇلنار ەرجەيقىزى 1972 جىلى تۋعان. قاراعاندى مەملەكەتتىك مەديتسينالىق ينستيتۋتىن بىتىرگەن. مەديتسينا عىلىمدارىنىڭ كانديداتى. ول ءوزىنىڭ ەڭبەك جولىن 1995 جىلى جەزقازعان وبلىسىنىڭ جەزدى اۋداندىق اۋرۋحاناسىنىڭ ينفەكتسيونيست-دارىگەرى رەتىندە باستاعان. گۇلنار ق ۇلىشەۆا كوپ جىلدىق كاسىبي تاجىريبەدەن ءوتتى. 2003 جىلدىڭ تامىز ايىنان 2004 جىلدىڭ اقپان ايىنا دەيىن – اقمولا وبلىسىنىڭ قىزىل جارتى اي قوعامىندا دارىگەرلىك باعدارلامالاردىڭ ۇيلەستىرۋشىسى, 2004 جىلدىڭ اقپان ايىنان 2010 جىلدىڭ قاڭتار ايىنا دەيىن اقمولا وبلىستىق سالاۋاتتى ءومىر سالتىن قالىپتاستىرۋ ورتالىعىنىڭ باسشىسى قىزمەتتەرىن اتقارعان. جاڭا قىزمەتكە تاعايىندالعانعا دەيىن «استانا قالاسىنىڭ مامانداندىرىلعان سابيلەر ءۇيى» مەملەكەتتىك مەكەمەسىنىڭ باس دارىگەرى بولىپ ەڭبەك ەتتى. باقبەرگەن امالبەك. دەرەك, سۋرەت: egemen.kz.