فوتو: Polisia.kz
ۇستالعانداردىڭ تۇرعىلىقتى جەرىن ءتىنتۋ بارىسىندا جالپى سالماعى 1 كەلىدەن اساتىن الفا-PvP پسيحوتروپتىق زاتى, وتاندىق جانە شەتەل ۆاليۋتاسىنداعى قاراجات, ەلەكتروندىق تارازىلار, سونداي-اق سينتەتيكالىق ەسىرتكى وندىرۋگە ارنالعان قۇرىلعىلار مەن جابدىقتار تابىلدى. سونىمەن قاتار 120 ليتردەن استام پرەكۋرسور تاركىلەندى.
قاسكويلەر ەسىرتكىنى شاعىن پارتيالارعا ءبولىپ, كۋرەرلەردىڭ كومەگىمەن الەۋمەتتىك جەلى ارقىلى ساتۋدى جوسپارلاعان. ۇستالعاندارعا قاتىستى ەسىرتكى زەرتحاناسىن ۇيىمداستىرۋ جانە سينتەتيكالىق ەسىرتكى ءوندىرۋ فاكتىسى بويىنشا سوتقا دەيىنگى تەرگەۋ باستالدى. ولار ۋاقىتشا ۇستاۋ يزولياتورىنا قامالدى.
«جىل باسىنان بەرى پوليتسيا 48 ەسىرتكى زەرتحاناسىن جويدى, وندا 250 كگ قولدانۋعا دايىن سينتەتيكالىق ەسىرتكى, 2,5 توننادان استام پرەكۋرسور جانە 72 كگ-نان استام كاننابيس تۇرىندەگى ەسىرتكى تاركىلەندى. ەسىرتكى بيزنەسى سالاسىنداعى 11 ۇيىمداسقان قىلمىستىق توپتىڭ ارەكەتى توقتاتىلدى. زاڭسىز اينالىمنان 19 توننادان استام ءتۇرلى ەسىرتكى, ونىڭ ىشىندە 5 تونناعا جۋىق ماريحۋانا مەن 420 كگ سينتەتيكالىق ەسىرتكى تاركىلەندى», دەپ ناقتىلادى ۆەدومستۆو وكىلدەرى.
