قازاقستاندا بىرقاتار مەكتەپتەرگە ارداگەرلەر ەسىمدەرى بەرىلدى

استانا. 28 ءساۋىر. قازاقستاندا بىرقاتار مەكتەپتەرگە كەڭەس وداعىنىڭ باتىرلارى مەن ۇلى وتان سوعىسى ارداگەرلەرىنىڭ ەسىمدەرى بەرىلدى.   قازاقستان رەسپۋبليكاسى ۇكىمەتىنىڭ قاۋلىسى  №360 2015 جىلعى 27 ءساۋىر,  استانا, ۇكىمەت ءۇيى قازاقستان رەسپۋبليكاسىنىڭ ءبىلىم بەرۋ ۇيىمدارىنا كەڭەس وداعىنىڭ باتىرلارى مەن ۇلى وتان سوعىسى ارداگەرلەرىنىڭ ەسىمدەرىن بەرۋ جانە ولاردى قايتا اتاۋ تۋرالى «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسىنىڭ زاڭى 10-بابىنىڭ 4-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. وسى قاۋلىعا 1-قوسىمشاعا سايكەس ءبىلىم بەرۋ ۇيىمدارىنا كەڭەس وداعىنىڭ باتىرلارى مەن ۇلى وتان سوعىسى ارداگەرلەرىنىڭ ەسىمدەرى بەرىلسىن. 2. وسى قاۋلىعا 2-قوسىمشاعا سايكەس ءبىلىم بەرۋ ۇيىمدارى قايتا اتالسىن.
2. قوستاناي, قىزىلوردا, پاۆلودار, وڭتۇستىك قازاقستان, شىعىس قازاقستان وبلىستارىنىڭ اكىمدىكتەرى وسى قاۋلىدان تۋىندايتىن قاجەتتى شارالاردى قابىلداسىن.
3. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.   قازاقستان رەسپۋبليكاسى ۇكىمەتىنىڭ 2015 جىلعى 27 ساۋىردەگى № 360 قاۋلىسىنا 1-قوسىمشا كەڭەس وداعى باتىرلارىنىڭ جانە ۇلى وتان سوعىسى ارداگەرلەرىنىڭ ەسىمدەرى بەرىلەتىن ءبىلىم بەرۋ ۇيىمدارىنىڭ تىزبەسى قوستاناي وبلىسى بويىنشا «قوستاناي قالاسى اكىمدىگىنىڭ ءبىلىم ءبولىمىنىڭ № 5 ورتا مەكتەبى» مەملەكەتتىك مەكەمەسىنە - باۋىرجان مومىش ۇلىنىڭ ەسىمى; «جىتىقارا اۋدانى اكىمدىگىنىڭ ءبىلىم ءبولىمى» مەملەكەتتىك مەكەمەسىنىڭ «№ 9 ورتا مەكتەبى» كوممۋنالدىق مەملەكەتتىك مەكەمەسىنە - ەستاي ەسجانوۆتىڭ ەسىمى; قىزىلوردا وبلىسى بويىنشا «قارماقشى اۋداندىق ءبىلىم ءبولىمىنىڭ № 250 مەكتەپ-ليتسەيى» كوممۋنالدىق مەملەكەتتىك مەكەمەسىنە - تايىمبەت كومەكباەۆتىڭ ەسىمى; پاۆلودار وبلىسى بويىنشا «پاۆلودار قالاسىنىڭ № 22 جالپى ورتا ءبىلىم بەرۋ مەكتەبى» مەملەكەتتىك مەكەمەسىنە - باۋىرجان مومىش ۇلىنىڭ ەسىمى; وڭتۇستىك قازاقستان وبلىسى بويىنشا «ارىس قالاسىنىڭ ءبىلىم ءبولىمى» كوممۋنالدىق مەملەكەتتىك مەكەمەسىنىڭ «№1 جالپى ورتا مەكتەبى» كوممۋنالدىق مەملەكەتتىك مەكەمەسىنە - ەرەجەپباي مولداباەۆتىڭ ەسىمى; «تۇلكىباس اۋدانىنىڭ اكىمدىگى ءبىلىم ءبولىمىنىڭ «ابايىل ستانساسىنىڭ №21 شاعىن جيناقتى باستاۋىش مەكتەبى» كوممۋنالدىق مەملەكەتتىك مەكەمەسىنە - نۇرلىباي قاسىمبەكوۆتىڭ ەسىمى.   قازاقستان رەسپۋبليكاسى ۇكىمەتىنىڭ 2015 جىلعى 27 ساۋىردەگى №360 قاۋلىسىنا 2-قوسىمشا قايتا اتالاتىن ءبىلىم بەرۋ ۇيىمدارىنىڭ تىزبەسى وڭتۇستىك قازاقستان وبلىسى بويىنشا ورداباسى اۋداندىق ءبىلىم ءبولىمىنىڭ «شۇبارسۋ جالپى ورتا مەكتەبى» كوممۋنالدىق مەملەكەتتىك مەكەمەسى - «مۇحامەتقۇل يسلامقۇلوۆ اتىنداعى جالپى ورتا مەكتەپ» كوممۋنالدىق مەملەكەتتىك مەكەمەسىنە; «وتىرار اۋدانى ءبىلىم ءبولىمىنىڭ «شىلىك» شاعىن جيناقتى جالپى ورتا مەكتەبى» كوممۋنالدىق مەملەكەتتىك مەكەمەسى - «سەيىتجان قۇرتاەۆ اتىنداعى شاعىن جيناقتى جالپى ورتا مەكتەپ» كوممۋنالدىق مەملەكەتتىك مەكەمەسىنە; «وتىرار اۋدانى ءبىلىم ءبولىمىنىڭ «قوعام جالپى ورتا مەكتەبى» كوممۋنالدىق مەملەكەتتىك مەكەمەسى - «سەيىتقاسىم ءاشىروۆ اتىنداعى جالپى ورتا مەكتەپ» كوممۋنالدىق مەملەكەتتىك مەكەمەسىنە; «تۇلكىباس اۋدانى اكىمدىگى ءبىلىم ءبولىمىنىڭ «كەمەرباستاۋ» جالپى ورتا مەكتەبى» كوممۋنالدىق مەملەكەتتىك مەكەمەسى - «سابىر راحىموۆ اتىنداعى جالپى ورتا مەكتەپ» كوممۋنالدىق مەملەكەتتىك مەكەمەسىنە; پاۆلودار وبلىسى بويىنشا «اقسۋ قالاسى پوگرانيچنىي اۋىلدىق وكرۋگىنىڭ ورتا مەكتەبى» مەملەكەتتىك مەكەمەسى - «باۋىرجان مومىش ۇلى اتىنداعى ورتا مەكتەپ» مەملەكەتتىك مەكەمەسىنە; شىعىس قازاقستان وبلىسى بويىنشا تارباعاتاي اۋدانى «ۆ.پ.چكالوۆ اتىنداعى ورتا مەكتەپ» كوممۋنالدىق مەملەكەتتىك مەكەمەسى - «قاسىم قايسەنوۆ اتىنداعى ورتا مەكتەپ» كوممۋنالدىق مەملەكەتتىك مەكەمەسىنە; ءۇرجار اۋدانى «م. گوركي اتىنداعى ورتا مەكتەپ» كوممۋنالدىق مەملەكەتتىك مەكەمەسى - «باۋىرجان مومىش ۇلى اتىنداعى ورتا مەكتەپ» كوممۋنالدىق مەملەكەتتىك مەكەمەسىنە.