التى جىل بۇرىن شىعىس وڭىرىندە باستالعان يپپوتەراپيالىق ەمدەۋ شارالارى بۇگىندە وڭ ناتيجەلەرگە قول جەتكىزە باستادى. بابالارىمىزعا سىرى ءمالىم جىلقى تەراپياسى جونىندە بىلتىر ەگجەي-تەگجەيلى جازعان بولاتىنبىز («ەق», 12 ناۋرىز, 2014 جىل). تاياۋدا وسكەمەندىك ورەندەر رەسەي استاناسىندا وتكەن د.حوپپەري اتىنداعى كۋبوك ءۇشىن بولعان تۋرنيردەن ولجالى ورالدى. وسى ورايدا وسكەمەن قالاسىنىڭ اكىمى تەمىربەك قاسىمجانوۆ ات سپورتى بويىنشا وتكەن ءتۋرنيردىڭ قاتىسۋشىلارىمەن كەزدەسىپ, جارىمجان جاسوسپىرىمدەردى جەڭىسىمەن قۇتتىقتادى.
ماسكەۋ قالاسىندا مۇگەدەكتەر سپورتى ونكۇندىگى شەڭبەرىندە وتكەن جارىسقا رەسەي مەن قازاقستاننان بارلىعى 15 كوماندا قاتىسقان ەكەن. وسكەمەندەگى «اقتاي» مۇمكىندىگى شەكتەۋلى بالالاردى قولداۋ قورى» قوعامدىق بىرلەستىگىنىڭ كومانداسى ەلىمىزدىڭ نامىسىن قورعادى. بەس سپورتشىدان قۇرالعان قۇراما ساپىنداعى مۇمكىندىگى شەكتەۋلى بالالار ۇزدىكسىز جاتتىعۋ ناتيجەسىندە ات قۇلاعىندا وينايتىن دارەجەگە جەتىپتى. ماسەلەن, اتالعان تۋرنيردە ايعانىم ەرمەكوۆا «پاراليمپيالىق ءجۇرىس» ءتارتىبىندەگى پاراليمپيالىق باعدارلامادا, دياس ەسكەرمەسوۆ, داريا يۆانوۆا, ايگەرىم قۇماربەكوۆا, فايك ناسيبوۆ «ءجۇرىس» جانە «سوقپاق» تارتىبىندەگى ارنايى وليمپيادالىق باعدارلامالاردا ءوز ونەرلەرىن پاش ەتتى.
بالالار اتالعان جارىسقا العاش رەت اتا-انالارىنسىز, تەك كوماندا جەتەكشىسى مەن جاتتىقتىرۋشىلارىنىڭ باستاۋىمەن باردى. ماسكەۋدەگى «پلانەرنايا» وليمپيالىق وقۋ-سپورتتىق ورتالىعىندا وتكەن جارىستا قازاقستاندىق بالالار 15-20 جىلدىق ءوتىلى بار كانىگى سپورتشىلارمەن باسەكەگە ءتۇسىپ, از جىلدا ايتارلىقتاي تاجىريبە جيناقتاعاندىقتارىن بايقاتتى.
تەمىربەك جۇماقۇل ۇلى ماسكەۋدە وسكەمەندىك ورەندەردىڭ جوعارى دەڭگەيدە ونەر كورسەتكەنىن جەتكىزدى. ماسەلەن, دياس ءوز ديۆيزيونىندا ۇزدىك ناتيجە كورسەتىپ, 1-ورىندى جەڭىپ الدى. 1999 جىلى تۋعان د.ەسكەرمەسوۆ ءتۋابىتتى گيدروتسەفاليامەن اۋىرادى. 2011 جىلدان بەرى «ءۇلبى» ورتالىعىندا ەم الىپ كەلەدى. اتا-اناسى دياستىڭ شىعارماشىلىق قابىلەتىن شىڭداۋعا كوپ كوڭىل بولەدى. ول فورتەپيانو ساباعىنا قاتىسىپ, ۆوكالمەن شۇعىلدانادى. اسىرەسە, «العا, قازاق جىگىتتەرى!», «قازاقستان» سىندى وتانشىلدىق رۋحتاعى اندەردى ايتقاندى ۇناتادى. 2013 جىلى يپپوتەراپيامەن اينالىسا باستاعان ول بىلتىر ات سپورتىنا بەيىمدەلۋ توبىنا قوسىلدى.
جالپى, شىعىسقازاقستاندىق كوماندا قورجىنىندا 1 التىن, 5 كۇمىس جانە 2 قولا مەدال بار.
جەرلەستەرىمىزدى جەڭىسكە جەتەلەگەن جايتتىڭ ءبىرى – بىرنەشە جىل بۇرىن وبلىس باسشىلىعىنىڭ قولداۋىمەن بوي كوتەرگەن «اقتاي» جابىق مانەجى مەن يپپوتەراپيا ورتالىعىندا جۇرگىزىلگەن ساپالى دايىندىق دەۋگە بولادى. مۇمكىندىگى شەكتەۋلى بالالاردى اتقا وتىرعىزۋ ارقىلى ەمدەيتىن كەشەندەگى كەشەندى شارالاردىڭ ناتيجەسى وتكەن جىلى دا كورىنگەن. وسكەمەندە بىلتىر تامىز ايىندا مۇمكىندىگى شەكتەۋلى جانداردى ات سپورتىنا بەيىمدەۋدەن حالىقارالىق جارىس ءوتىپ, وعان قازاقستاننان – 14, رەسەيدەن 18 سپورتشى قاتىسقان بولاتىن.
2013 جىلدان بەرى يپپوتەراپيا ورتالىعى بيۋدجەتتىك نەگىزدە قارجىلاندىرىلىپ كەلەدى. وسى ارقىلى 112 مۇمكىندىگى شەكتەۋلى بالا اتقا ءمىنىپ, يپپوتەراپيالىق ەم-دوم الۋدا. اتالعان جۇمىستارعا جۇرگىزىلگەن ساراپتامالاردىڭ ناتيجەسى بويىنشا, يپپوتەراپيانىڭ ناۋقاستارعا فيزيكالىق تۇرعىدان قيمىل-قوزعالىسىن جاقسارتۋعا, سونداي-اق, كوڭىل-كۇيىن كوتەرۋگە ەرەكشە ىقپال ەتەتىنى بايقالعان.
دۋمان اناش,
«ەگەمەن قازاقستان».
وسكەمەن.
ماسكەۋ قالاسىندا مۇگەدەكتەر سپورتى ونكۇندىگى شەڭبەرىندە وتكەن جارىسقا رەسەي مەن قازاقستاننان بارلىعى 15 كوماندا قاتىسقان ەكەن. وسكەمەندەگى «اقتاي» مۇمكىندىگى شەكتەۋلى بالالاردى قولداۋ قورى» قوعامدىق بىرلەستىگىنىڭ كومانداسى ەلىمىزدىڭ نامىسىن قورعادى. بەس سپورتشىدان قۇرالعان قۇراما ساپىنداعى مۇمكىندىگى شەكتەۋلى بالالار ۇزدىكسىز جاتتىعۋ ناتيجەسىندە ات قۇلاعىندا وينايتىن دارەجەگە جەتىپتى. ماسەلەن, اتالعان تۋرنيردە ايعانىم ەرمەكوۆا «پاراليمپيالىق ءجۇرىس» ءتارتىبىندەگى پاراليمپيالىق باعدارلامادا, دياس ەسكەرمەسوۆ, داريا يۆانوۆا, ايگەرىم قۇماربەكوۆا, فايك ناسيبوۆ «ءجۇرىس» جانە «سوقپاق» تارتىبىندەگى ارنايى وليمپيادالىق باعدارلامالاردا ءوز ونەرلەرىن پاش ەتتى.
بالالار اتالعان جارىسقا العاش رەت اتا-انالارىنسىز, تەك كوماندا جەتەكشىسى مەن جاتتىقتىرۋشىلارىنىڭ باستاۋىمەن باردى. ماسكەۋدەگى «پلانەرنايا» وليمپيالىق وقۋ-سپورتتىق ورتالىعىندا وتكەن جارىستا قازاقستاندىق بالالار 15-20 جىلدىق ءوتىلى بار كانىگى سپورتشىلارمەن باسەكەگە ءتۇسىپ, از جىلدا ايتارلىقتاي تاجىريبە جيناقتاعاندىقتارىن بايقاتتى.
تەمىربەك جۇماقۇل ۇلى ماسكەۋدە وسكەمەندىك ورەندەردىڭ جوعارى دەڭگەيدە ونەر كورسەتكەنىن جەتكىزدى. ماسەلەن, دياس ءوز ديۆيزيونىندا ۇزدىك ناتيجە كورسەتىپ, 1-ورىندى جەڭىپ الدى. 1999 جىلى تۋعان د.ەسكەرمەسوۆ ءتۋابىتتى گيدروتسەفاليامەن اۋىرادى. 2011 جىلدان بەرى «ءۇلبى» ورتالىعىندا ەم الىپ كەلەدى. اتا-اناسى دياستىڭ شىعارماشىلىق قابىلەتىن شىڭداۋعا كوپ كوڭىل بولەدى. ول فورتەپيانو ساباعىنا قاتىسىپ, ۆوكالمەن شۇعىلدانادى. اسىرەسە, «العا, قازاق جىگىتتەرى!», «قازاقستان» سىندى وتانشىلدىق رۋحتاعى اندەردى ايتقاندى ۇناتادى. 2013 جىلى يپپوتەراپيامەن اينالىسا باستاعان ول بىلتىر ات سپورتىنا بەيىمدەلۋ توبىنا قوسىلدى.
جالپى, شىعىسقازاقستاندىق كوماندا قورجىنىندا 1 التىن, 5 كۇمىس جانە 2 قولا مەدال بار.
جەرلەستەرىمىزدى جەڭىسكە جەتەلەگەن جايتتىڭ ءبىرى – بىرنەشە جىل بۇرىن وبلىس باسشىلىعىنىڭ قولداۋىمەن بوي كوتەرگەن «اقتاي» جابىق مانەجى مەن يپپوتەراپيا ورتالىعىندا جۇرگىزىلگەن ساپالى دايىندىق دەۋگە بولادى. مۇمكىندىگى شەكتەۋلى بالالاردى اتقا وتىرعىزۋ ارقىلى ەمدەيتىن كەشەندەگى كەشەندى شارالاردىڭ ناتيجەسى وتكەن جىلى دا كورىنگەن. وسكەمەندە بىلتىر تامىز ايىندا مۇمكىندىگى شەكتەۋلى جانداردى ات سپورتىنا بەيىمدەۋدەن حالىقارالىق جارىس ءوتىپ, وعان قازاقستاننان – 14, رەسەيدەن 18 سپورتشى قاتىسقان بولاتىن.
2013 جىلدان بەرى يپپوتەراپيا ورتالىعى بيۋدجەتتىك نەگىزدە قارجىلاندىرىلىپ كەلەدى. وسى ارقىلى 112 مۇمكىندىگى شەكتەۋلى بالا اتقا ءمىنىپ, يپپوتەراپيالىق ەم-دوم الۋدا. اتالعان جۇمىستارعا جۇرگىزىلگەن ساراپتامالاردىڭ ناتيجەسى بويىنشا, يپپوتەراپيانىڭ ناۋقاستارعا فيزيكالىق تۇرعىدان قيمىل-قوزعالىسىن جاقسارتۋعا, سونداي-اق, كوڭىل-كۇيىن كوتەرۋگە ەرەكشە ىقپال ەتەتىنى بايقالعان.
دۋمان اناش,
«ەگەمەن قازاقستان».
وسكەمەن.
