اۋىلدىڭ ايتقىشتارى

«جۇلدىز سيرەپ كەتىپ ەدى» ءبىر مولدا وزىنشە بىلگىشسىنىپ: «ءبىر ادام باقيدان وتكەندە, ءبىر جۇل­دىز اعىپ تۇسەدى», – دەپتى. قاسىندا وتىر­­عان قالي دەگەن قۋشىكەش كىسى: «باسە, 1941-1945 جىلدارى جۇلدىز سيرەپ كەتىپ ەدى. سودان ەكەن عوي», – دەپ «قوستاپتى». شولجىڭ قىز جوعارىدا ءسوز بولعان جاڭاعى قالي بالالارىنىڭ كەنجەسى بولعاندىقتان ءبىر قىزىن ەركەلەتىپ ءوسىرىپ, بەتىنەن قاقپاپتى. الگى قىزى ەر بالاشا كيىنىپ, ءجۇر­گەن جەرى توبەلەس, داۋ-داماي بولىپتى. سول قىزى بويجە­تىپ, تۇرمىسقا شىعاتىن بولىپ, قۇدالارى كەلىپ وتىر­سا, قالي: «كەلىنگە جارىعان ەكەنسىڭدەر», – دەپتى كۇرسىنىپ. شالقايتۋدىڭ امالى جاس كەزىندە كوپ اۋىرىپ, ەڭكىش تارتقان كۇرجىك جەزدەسىن كورگەن قالي: «سەنىڭ باسىڭدى كەرى قاراتىپ سالۋ كەرەك. سوندا شالقايعان جىگىت بولاسىڭ» –دەپ قاعىتقان ەكەن. سوپاق جەڭگە قاعىتپا سوزدەن قاراپ قالمايتىن قالەكەڭ بەت الپەتى سوپاقتاۋ كەلگەن جەڭگەسىنە: «ءتۇرىڭ ساماۋىر­داعى سۋرەت سياقتى», – دەپ ازىلدەپتى. اداسقان ءشوپ سايلاۋ دەگەن كىسى كەزەكتى ءبىر رەيستەن كەيىن تىركە­­مە­سىنە ونشاقتى تايلانعان ءشوپ قالدىرىپ ۇيىنە تۇسىرگەلى كەلەدى ەكەن. سول ەكى ارادا كەڭشار ديرەكتورى كەزىگىپ قالىپ: «كولىك ۇستىندەگى ءشوپ قايدا بارادى؟» – دەپ سۇراپتى. سايلاۋ: «بۇل نەگىزىندە ۇيگە باعىتتالعان ەدى, ەندى امالسىز ءشوپ بازاسىنا بارادى عوي», – دەپتى. سايلاۋدىڭ سوزىنە ريزا بولعان ديرەكتور قارقىلداپ ك ۇلىپ: «جارايدى, ۇيىڭە تۇسىرە سال», – دەگەن ەكەن. توركىنىنەن كيىپ كەلگەنى كۇزەمباي دەگەن اتامىز جيەنى امانجاننىڭ ۇيىنە بارسا, ونىڭ كەلىنشەگى قانجۋ جالاڭاياق ءجۇر ەكەن. اياعى ازداپ كىرلەۋ مە, قالاي؟.. سونى بايقاعان كۇزەم­باي اقساقال امانجان ادەيى كورسىن دەپ: «كەلىن­نىڭ اياعىنداعى گالوشى نەشىنشى رازمەر؟» – دەپ سۇراپ­تى. ونشا قىسىلا قويماعان امانجان: «بىلمەي­مىن, توركىنىنەن كيىپ كەلگەنى عوي», دەگەن ەكەن. جيناعان ەرەكەن قوراباەۆ. ماڭعىستاۋ وبلىسى.