جۋىردا وسى اۋىلدا «اۋىل اماناتى» جوباسىمەن ناۋبايحانا, كونديتەرلىك, جارتىلاي دايىن ءونىم تسەحتارى, جۇمىس قولعابى, ش ۇلىق, پلاستيك ىدىستار, سابىن, اعاش بۇيىمدارى وندىرىستەرى, «اباي-داۋلەت» سەرىكتەستىگىنىڭ باستاماسىمەن فري زاۋىتى ءوز جۇمىسىن باستادى. كەز كەلگەن قالاڭىزدا كەزدەسە بەرمەيتىن «قىزىلوردا» سۋپەرماركەتى مەن ءدامحانا تۇرعىندارعا جوعارى ساپالى قىزمەت كورسەتۋگە دايىن.
وڭىردەگى اگروسالا وكىلدەرى جينالعان ءوندىرىس ورىندارىنىڭ اشىلۋ سالتاناتىندا وبلىس اكىمى نۇرلىبەك نالىباەۆ اۋىل تۇرعىندارىن قۇتتىقتاپ, «اباي-داۋلەت» سەرىكتەستىگىنىڭ ديرەكتورى مۇرات سارسەنباەۆقا بەرەكەلى باستاماسى ءۇشىن العىس ءبىلدىردى.
«حالقىمىزدا «اۋىلىن كورىپ, ازاماتىن تانى» دەگەن قاناتتى ءسوز بار. تۋعان جەردى دامىتۋعا, ونى كوركەيتۋگە سالىنعان ينۆەستيتسيا ەسەلەپ قايتادى. «اباي-داۋلەت» سەرىكتەستىگىنىڭ ديرەكتورى مۇرات اباي ۇلىنا وسى ىسكە قوسقان زور ۇلەسى ءۇشىن ريزاشىلىعىمىزدى بىلدىرەمىز. ءوندىرىس ورىندارى وركەندەي بەرسىن, كاسىپتەرىڭىزگە بەرەكە, تابىس تىلەيمىز. باسقا شارۋاشىلىقتار دا وسى تاجىريبەنى ەنگىزىپ, ەلدى مەكەندەردى قولداۋعا, حالىقتىڭ ءال-اۋقاتىن ارتتىرۋعا اتسالىسقانى ءجون. وڭىردەگى بارلىق اۋىلدا شاعىن وندىرىستىك الاڭدار قۇرىپ, بيزنەس-ينكۋباتورلار سالۋعا مۇمكىندىگىمىز بار. مەملەكەت قولداۋىن پايدالانىپ, اۋدان باسشىلارى كەشەندى جۇمىس جۇرگىزۋى قاجەت», دەدى ايماق باسشىسى.
ءىس-شارادا ۇزاق جىل ەل قىزمەتىندە بولعان قوعام قايراتكەرى يبراگيم ابيبۋللاەۆ جەرلەستەرىن قۇتتىقتاپ, مەملەكەت باسشىسىنىڭ باستاماسىمەن قولعا الىنعان «اۋىل اماناتى» باعدارلاماسىن سىر وڭىرىندە جۇزەگە اسىرۋعا اتسالىسقان «اباي-داۋلەت» سەرىكتەستىگىنىڭ قىزمەتكەرلەرى, ورتاق ىسكە ۇلەس قوسقان اۋىل تۇرعىندارى ماراپاتتالدى. جيىنعا قاتىسۋشىلار جاڭارتىلعان «ادال ادام» مادەني ورتالىعىنىڭ جۇمىسىمەن تانىسىپ, كورەرمەن زالىندا كونتسەرت تاماشالادى.
سەرىكتەستىك اۋىلدى كوركەيتۋ, كوگالداندىرۋ, كۇردەلى جوندەۋ جۇمىسىنا سوڭعى جىلدارى 730 ملن تەڭگەدەن استام قارجى ءبولىپتى. شارۋاشىلىق ەسەبىنەن اۋىل اكىمدىگى, مەكتەپ, بالاباقشا, مەشىت عيماراتتارى كۇردەلى جوندەۋدەن وتكىزىلگەن. بيىل مادەنيەت ۇيىنە كۇردەلى جوندەۋ, ورتالىق الاڭعا قايتا جاڭعىرتۋ ءجۇمىسى جۇرگىزىلىپ, جاڭا ءوندىرىس ورتالىعى بوي كوتەردى.
«اۋىل اماناتى» جوباسى اياسىندا تۇرعىندار دا قولداۋدان كەندە ەمەس. وتكەن جىلى شارۋاشىلىقتىڭ كەپىلدىگىمەن «سىر قۇسى» اۋىل شارۋاشىلىعى وندىرىستىك كووپەراتيۆى قۇرىلىپ, بەسارىقتاعىلار 27,6 ملن تەڭگە نەسيەگە قول جەتكىزدى.
بيىل اۋىلدا 1 مىڭ شارشى مەترلىك شاعىن ءوندىرىس ورتالىعى سالىنىپ, 13 كاسىپكەر ءوز كاسىبىن باستاۋعا مۇمكىندىك الىپ وتىر. «اۋىل اماناتى» جوباسى اياسىندا 4 جوبا, وڭىرلىك ينۆەستيتسيالىق ورتالىق ارقىلى 5 جوبا, شارۋاشىلىقتىڭ ءوز قاراجاتى ەسەبىنەن 4 جوبا جۇزەگە اسىپ, جاڭادان 25 جۇمىس ورنى اشىلدى. بۇل جوبالارعا 960 ملن تەڭگە ينۆەستيتسيا تارتىلىپ وتىر.
قىزىلوردا وبلىسى,
سىرداريا اۋدانى
