نازارباەۆ پرەزيدەنت سايلاۋىندا رەسمي تۇردە جەڭىمپاز دەپ تانىلدى

استانا. 28 ءساۋىر. بۇگىن ورتالىق سايلاۋ كوميسسياسىنىڭ وتىرىسىندا وسى جىلدىڭ 26 ساۋىرىندە وتكەن قازاقستان پرەزيدەنتى سايلاۋىندا نۇرسۇلتان نازارباەۆتىڭ جەڭىمپاز اتانعانى رەسمي تۇردە جاريالاندى. سايلاۋشىلاردىڭ 97,75 پايىزى نازارباەۆتىڭ كانديداتۋراسىن جاقتاپ داۋىس بەرگەن. بۇل تۋرالى وتىرىستا ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ حابارلادى. «سايلاۋدا بارلىق داۋىس بەرۋشىلەردىڭ 95,21 پايىزى ءوز تاڭداۋىن جاسادى. ولاردىڭ داۋىستارى تومەندەگىدەي ءبولىندى: ابىلعازى قۇسايىنوۆقا – 57 718 نەمەسە 0,64%, نۇرسۇلتان نازارباەۆقا – 8 833 250 نەمەسە 97,75%, تۇرعىن سىزدىقوۆقا – 145 765 نەمەسە 1,61% سايلاۋشى داۋىس بەرگەن. وبلىستاردان جانە الماتى مەن استانا قالالارىنان الىنعان ناتيجەلەر نەگىزىندە ورتالىق سايلاۋ كوميسسياسى نۇرسۇلتان ءابىش ۇلى نازارباەۆ قازاقستان پرەزيدەنتى بولىپ سانالسىن دەپ قاۋلى ەتەدى», – دەدى قۋاندىق تۇرعانقۇلوۆ. بۇعان دەيىن ورتالىق سايلاۋ كوميسسياسى داۋىس بەرۋدىڭ الدىن الا ناتيجەلەرىن جاريالاعانى بەلگىلى. قۋاندىق تۇرعانقۇلوۆتىڭ ايتۋىنشا, ول كەزدەگى ناتيجە تومەندەگىدەي بولعان ەدى. ياعني, ابىلعازى قۇسايىنوۆقا – 0,7%, نۇرسۇلتان نازارباەۆقا – 97,7%, ال تۇرعىن سىزدىقوۆقا – 1,6% سايلاۋشىلار داۋىس بەرگەن. ايتا كەتەيىك, سايلاۋدان كەيىن بىردەن exit poll-دىڭ ناتيجەسى جاريالاندى. ول كەزدە دە مەملەكەت باسشىسىنىڭ سايلاۋدا ايقىن باسىمدىقپەن جەڭىسكە جەتكەنى بەلگىلى بولعان ەدى. ەلامان قوڭىر. دەرەك: ورتالىق سايلاۋ كوميسسياسى. سۋرەت: mail.ru.